ସୁଇଜାରଲ୍ୟାଣ୍ଡରେ ଲାଗିବ ଶ୍ରୀଦେବୀଙ୍କ ପ୍ରତିମୂର୍ତ୍ତି

0
138

ନୂଆଦିଲ୍ଲୀ: ସୁଇଜାରଲ୍ୟାଣ୍ଡ ସରକାର ପ୍ରଖ୍ୟାତ ସିନେ ଅଭିନେତ୍ରୀ ଶ୍ରୀଦେବୀଙ୍କ ପ୍ରତିମୂର୍ତ୍ତି ସ୍ଥାପନ କରିବାକୁ ନିଷ୍ପତ୍ତି ନେଇଛନ୍ତି। ଦୁବାଇଠାରେ ଅନୁଷ୍ଠିତ ଏକ ବିବାହ ଉତ୍ସବରେ ଯୋଗ ଦେବାକୁ ଯାଇ ୫୫ବର୍ଷ ବୟସ୍କା ଶ୍ରୀଦେବୀ ବାଥଟବରେ ବୁଢିଯିବାରୁ ତାଙ୍କ ମୃତ୍ୟୁ ହୋଇଯାଇ ଥିଲା। ତେବେ ଶ୍ରୀଦେବୀଙ୍କ “ଚାନ୍ଦନୀ’ ସିନେମା ସୁଇଜାରଲ୍ୟାଣ୍ଡରେ ବେଶ୍‍ ଲୋକପ୍ରିୟ ହୋଇଥିଲା। ଏହି ସିନେମା ସୁଇଜରଲ୍ୟାଣ୍ଡରେ ସୁଟିଂ ହୋଇଥିଲା। ବଲିଉଡ଼ ସିନେମା ସହ ସୁଇଜରଲ୍ୟାଣ୍ଡର ଦୀର୍ଘ ସମ୍ପର୍କ ରହିଛି। ୧୯୬୪ରେ ରାଜକୁମରଙ୍କ “ସଙ୍ଗମ’ ସିନେମା ସୁଇଜରଲ୍ୟାଣ୍ଡରେ ପ୍ରଥମ ଥର ପାଇଁ ସୁଟିଂ ହେବା ପରେ ଏକାଧିକ ସିନେମା ସୁଟିଂ ପାଇଁ ନିର୍ଦେଶକ ଏହି ଦେଶକୁ ଅଧିକ ଗୁରୁତ୍ୱ ଦେଉଥିଲେ। ସୁଇଜରଲ୍ୟାଣ୍ଡର ସୌନ୍ଦର୍ଯ୍ୟ ଭାରତୀୟ ସିନେପ୍ରେମୀଙ୍କୁ ଅକୃଷ୍ଟ କରୁଥିବାବେଳେ ଏହା ଦ୍ୱାରା ଉକ୍ତ ଦେଶର ପର୍ଯ୍ୟଟନ ଶିଳ୍ପ ଲାଭାନ୍ୱୀତ ହୋଇଛି।
ଶ୍ରୀଦେବୀଙ୍କ ଚାନ୍ଦନୀ ମଧ୍ୟ ସୁଇଜରଲ୍ୟାଣ୍ଡରେ ସୁଟିଂ ହୋଇଥିଲା। ଏହି ସିନେମାକୁ ପରବର୍ତ୍ତୀ ସମୟରେ ସୁଇଜରଲ୍ୟାଣ୍ଡରେ ଲୋକପ୍ରିୟତା ଅର୍ଜନ କରିଥିଲା। ଚାନ୍ଦନୀ ସିନେମାର ସଙ୍ଗୀତରେ ଏକାଧିକ ସୁଇସ୍‍ ନୃତ୍ୟଶିଳ୍ପୀ ଭାଗ ନେଇଥିଲେ। ଏହାକୁ ଦୃଷ୍ଟିରେ ରଖି ଶ୍ରୀଦେବୀଙ୍କ ପ୍ରତିମୂର୍ତ୍ତିକୁ ସ୍ଥାପନ କରିବାକୁ ସୁଇସ ସରକାର ନିଷ୍ପତ୍ତି ନେଇଛନ୍ତି।

LEAVE A REPLY

Please enter your comment!
Please enter your name here