ବାସ୍ତୁ ଦୋଷ ଦୂର କରେ ଲୁଣ

0
527

ଖାଦ୍ୟ ପ୍ରସ୍ତୁତିରେ ଲୁଣ ମୁଖ୍ୟ ଭୂମିକା ଗ୍ରହଣ କରିଥାଏ। ଲୁଣ ବିନା ସମସ୍ତ ଖାଦ୍ୟ ସ୍ୱାଦ ହୀନ ହୋଇଥାଏ। ହେଲେ ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ଏହା କେବଳ ଖାଦ୍ୟରେ ବ୍ୟବହୃତ ହୁଏ ନାହିଁ ବରଂ ଲୁଣର ବ୍ୟବହାର ଦ୍ୱାରା ବାସ୍ତୁ ଦୋଷ ମଧ୍ୟ ଦୂର ହୋଇଥାଏ। ମା’ ଲକ୍ଷ୍ମୀଙ୍କ ନିବାସ ବା ପିତ୍ରାଳୟ ଭାବେ ସମୁଦ୍ରକୁ ଗ୍ରହଣ କରାଯାଇଛି। ଲୁଣ ମଧ୍ୟ ସମୁଦ୍ରରୁ ପ୍ରାପ୍ତ ହୋଇଥାଏ। ତେଣୁ ଏହା ଦେବୀ ଲକ୍ଷ୍ମୀଙ୍କ ତୁଲ୍ୟ ସମ୍ମାନାସ୍ପଦ। ତେବେ ଚାଲନ୍ତୁ ଜାଣିବା ଲୁଣ ସାହାଯ୍ୟରେ କିପରି ବାସ୍ତୁଦୋଷ ଦୂର କରିହେବ –

ଲୁଣ ମୁଣି – ଝିଅ ବିବାହ କରି ବିଦା ହେବା ସମୟରେ ଲୁଣର ମୁଣି ବା ପୁଡିଆଟିଏ ତା’ ହାତରେ ଦିଅନ୍ତୁ। ଏପରି କରିବା ଦ୍ୱାରା ଆପଣଙ୍କ ଓ ଆପଣଙ୍କ ଝିଅ ଘରେ ଥିବା ସମସ୍ତ ନକରାତ୍ମକ ଶକ୍ତି ନଷ୍ଟ ହେବ। ଉଭୟ ପରିବାରକୁ ଲକ୍ଷ୍ମୀଙ୍କ ଆଗମନ ହେବ।

ଗାଧୁଆ ପାଣିରେ ଲୁଣ – ପ୍ରତିଦିନ ଗାଧୋଇବା ବେଳେ ଗାଧୁଆ ପାଣିରେ ଚିମୁଟାଏ ଲୁଣ ପକାଇ ସ୍ନାନ କରନ୍ତୁ । ଏପରି କରିବା ଦ୍ୱାରା ଆପଣଙ୍କ ଶରୀରକୁ ଆସିଥିବା ନକାରାତ୍ମକ ଶକ୍ତିମାନେ ନଷ୍ଟ ହୋଇଥା’ନ୍ତି।

ରାତିରେ ଘରେ ଲୁଣ ସିଞ୍ଚନ କରନ୍ତୁ – ରାତିରେ ଶୋଇବାକୁ ଯିବା ପୂର୍ବରୁ ସବୁ ଘରେ ଅଳ୍ପ ଲୁଣ ସିଞ୍ଚି ଦିଅନ୍ତୁ ଆଉ ସକାଳୁ ଝାଡୁ କରି ଏହି ଲୁଣକୁ ଧୂଳି ସହ ବାହାରକୁ ଫିଙ୍ଗି ଦିଅନ୍ତୁ। ଏମିତି କଲେ ଘରକୁ ନକରାତ୍ମକ ଶକ୍ତି ପ୍ରବେଶ କରି ନ ଥାଏ।

READ  ସ୍ୱାସ୍ଥ୍ୟ ପାଇଁ ଉପକାରୀ ସିମଲା ଲଙ୍କା

ଲୁଣ ପାଣିରେ ଗୋଡ଼ ବୁଡ଼ାନ୍ତୁ – ପ୍ରତିଦିନ ୨୦ ମିନିଟ୍ ପର୍ୟ୍ୟନ୍ତ ଲୁଣ ପାଣିରେ ଗୋଡ ବୁଡାଇ ରଖନ୍ତୁ, ଏହାଦ୍ୱାରା ମାନସିକ ଦୁଃଶ୍ଚିନ୍ତା ଦୂର ହୋଇଥାଏ।

Facebook Comments