କୁହାଯାଇଛି ଯେ, ପୂଜା ସମୟରେ ଘଣ୍ଟି ବଜାଇବା ଉଚିତ। ଏପରି କରିବା ଦ୍ୱାରା ଈଶ୍ୱର ଶୀଘ୍ର ଆପଣଙ୍କ ପ୍ରାର୍ଥନା ଶୁଣିଥାନ୍ତି। ଘଣ୍ଟି ବଜାଇବା ଦ୍ୱାରା କେବଳ ଈଶ୍ୱରଙ୍କ କୃପା ଲାଭ ମିଳି ନଥାଏ ଏହାସହ ଅନେକ ଲାଭ ମଧ୍ୟ ହୋଇଥାଏ। ଘଣ୍ଟି ବଜାଇବା ଦ୍ୱାରା ଅନେକ ବୈଜ୍ଞାନିକ ପ୍ରଭାବ ପଡିଥାଏ। ଏହି କାରଣରୁ ମନ୍ଦିରରେ ସର୍ବଦା ପ୍ରବେଶ ଦ୍ୱାର ନିକଟରେ ଘଣ୍ଟି ଲଗାଯାଇଥାଏ।
ଘଣ୍ଟି ବଜାଇବାର ବୈଜ୍ଞାନିକ କାରଣ:
ମନ୍ଦିର ଘରେ ହେଉ କି ଯେକୌଣସି ଧାର୍ମିକ ସ୍ଥଳରେ ହେଉ ସେଠାରେ ଘଣ୍ଟି ରହିବା ଉଚିତ। ଘଣ୍ଟିର ଅନେକ ଧାର୍ମିକ କାରଣ ରହିଛି। ଘଣ୍ଟି ବଜାଇବା ଦ୍ୱାରା ପାଖାପାଖି ଥିବା ବାତାବରଣ ସୁସ୍ଥ ରହିଥାଏ। ଏହାସହ ମନ ଶାନ୍ତି ରହିଥାଏ। ଘଣ୍ଟି ବଜାଇବା ବେଳେ ନକାରାତ୍ମକ ଶକ୍ତି ଓ ଦୁଷ୍ଟ ଶକ୍ତିର ପ୍ରଭାବ ନଷ୍ଟ ହୋଇ ଯାଇଥାଏ।
ଯେଉଁ ସ୍ଥାନରୁ ନିୟମିତ ଘଣ୍ଟି ବଜାଉଥିବାର ଶଦ୍ଦ ଆସିଥାଏ ସେହି ସ୍ଥାନର ବାତାବରଣ ସର୍ବଦା ଶୁଦ୍ଧ ଓ ପବିତ୍ର ହୋଇଥାଏ। ଏହି କାରଣରୁ ପ୍ରାୟ ଲୋକେ ନିଜ ଘରର ମନ୍ଦିରରେ ଘଣ୍ଟି ଲଗାଇଥାନ୍ତି। ଏଥିରୁ ବାହାରୁ ଥିବା ଶଦ୍ଦ ଦ୍ୱାରା ନକାରାତ୍ମକ ଶକ୍ତି ଦୂର ହୋଇଯାଇଥାଏ। ନକାରାତ୍ମକ ଶକ୍ତି ଦୂର ହୋଇଯିବା ଦ୍ୱାରା ଘରେ ସମୃଦ୍ଧିର ବାତାବରଣ ସୃଷ୍ଟି ହୋଇଥାଏ।
ଘଣ୍ଟି ବଜାଇବା ଦ୍ୱାରା ସମସ୍ତ ଦେବାଦେବୀ ଆପଣଙ୍କ ପ୍ରାର୍ଥନା ଶୁଣିଥାନ୍ତି। ଘଣ୍ଟିର ଧ୍ୱନୀ ସମସ୍ତ ଦେବାଦେବୀ ଶୁଣିବା ଦ୍ୱାରା ପୂଜା ଅଧିକ ଫଳଦାୟୀ ଓ ପ୍ରଭାବଶାଳୀ ହୋଇଥାଏ। କୁହାଯାଇଛି ଯେ, ମନ୍ଦିରରେ ଘଣ୍ଟି ବଜାଇବା ଦ୍ୱାରା ସମସ୍ତ ପାପ ନଷ୍ଟ ହୋଇ ଯାଇଥାଏ। ପ୍ରାୟତଃ ସକାଳ ଓ ସନ୍ଧ୍ୟା ବେଳେ ପୂଜା ସମୟରେ ଏକ ବିଶେଷ ଧ୍ୱନୀର ଘଣ୍ଟି ବଜା ଯାଇଥାଏ। ଏହାଦ୍ୱାରା ସେଠାରେ ଈଶ୍ୱରଙ୍କ ଉପସ୍ଥିତି ଅନୁଭବ ହୋଇଥାଏ।
