ଗୋଆର ମୁଖ୍ୟମନ୍ତ୍ରୀ ମନୋହର ପାରିକରଙ୍କର ନିଧନ

0
1069

ଗୋଆର ମୁଖ୍ୟମନ୍ତ୍ରୀ ମନୋହର ପାରିକରଙ୍କର ନିଧନ

ବହୁଦିନ ଧରି ଅସୁସ୍ଥ ଥିଲେ ମନୋହର ପାରିକର

ପାରିକରଙ୍କ ନିଧିନରେ ରାଷ୍ଟ୍ରପତି ଓ ପ୍ରଧାନମନ୍ତ୍ରୀଙ୍କର ଶୋକ ବ୍ୟକ୍ତ

ପୂର୍ବରୁ ଭାରତର  ପ୍ରତିରକ୍ଷା ମନ୍ତ୍ରୀ ଥିଲେ ମନୋହର ପାରିକର

ନୂଆଦିଲ୍ଲୀ : ଗୋଆ ମୁଖ୍ୟମନ୍ତ୍ରୀ ମନୋହର ପାରିକରଙ୍କର ରବିବାର ସଂଧ୍ୟାରେ ପରୋଲୋକ ଘଟିଛି। ମୃତ୍ୟୁ ବେଳକୁ ତାଙ୍କୁ ୬୩ ବର୍ଷ ହୋଇଥିଲା। ମନୋହର ପାରିକର ପାନକ୍ରିଆଟିକ କ୍ୟାନସରରେ ପୀଡିତ ଥିଲେ। ପାରିକରଙ୍କ ବିୟୋଗରେ ରାଷ୍ଟ୍ରପତି ରାମନାଥ କୋବିନ୍ଦ ଶୋକପ୍ରକାଶ କରିଛନ୍ତି।
ସୂଚନାଯୋଗ୍ୟ ଯେ ରବିବାର ସଂଧ୍ୟାରେ ମନୋହର ପାରିକରଙ୍କ ସ୍ୱାସ୍ଥ୍ୟବସ୍ଥା  ସଙ୍କଟାପନ୍ନ ଥିଲା । ଡାକ୍ତରମାନେ ସ୍ୱାସ୍ଥ୍ୟବସ୍ଥାରେ ଉନ୍ନତି ଆଣିବା ପାଇଁ ଉଦ୍ୟମ କରିଥିଲେ । ମାତ୍ର ସ୍ୱାସ୍ଥ୍ୟବସ୍ଥାରେ କୌଣସି ପରିବର୍ତ୍ତନ ହୋଇ ନଥିଲା । ସନ୍ଧ୍ୟା ସମୟରେ ସେ ଶେଷ ନିଶ୍ୱାସ ତ୍ୟାଗ କରିଥିବା ସୂଚନା ମିଳିଛି।
ମନୋହର ପାରିକର ୧୯୫୫ ମସିହାରେ ଗୋଆର ମାପୁସା ଠାରେ ଜନ୍ମଗ୍ରହଣ କରିଥିଲେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ କାର୍ଯ୍ୟକାଳରେ ସେ ପ୍ରତିରକ୍ଷା ମନ୍ତ୍ରୀ ଭାବେ କାର୍ଯ୍ୟ କରିଛନ୍ତି। ମନୋହର ପାରିକରଙ୍କ କାର୍ଯ୍ୟକାଳରେ ହିଁ ସରର୍ଜିକାଲ ଷ୍ଟ୍ରାଇକ ହୋଇଥିଲା। ମନୋହର ପାରିକରଙ୍କ ବିୟୋଗରେ ସୋମବାର ରାଷ୍ଟ୍ରୀୟ ଶୋକ ଘୋଷଣା କରାଯାଇଛି।