କଟକ: ଗୁଜୁରାଟରେ ମହତ୍ମା ଗାନ୍ଧି ବଞ୍ଚିଥିବା ବେଳେ ମନ୍ଦିର ନିର୍ମାଣ କରାଯାଇଥିବାରୁ ଗାନ୍ଧିଜି ଧାରଣାରେ ବସିଥିଲେ । ଏଥିଯୋଗୁଁ ମନ୍ଦିରକୁ ଭଙ୍ଗା ଯାଇଥିଲା । ମାତ୍ର ଓଡିଶାରେ ଗାନ୍ଧିଜିଙ୍କର ଦୁଇଟି ମନ୍ଦିର ରହିଛି । ପ୍ରଥମ ମନ୍ଦିର ସମ୍ବଲପୁରର ହରିଜନ ପଡାରେ ଥିବା ବେଳେ ଦ୍ୱିତୀୟ ମନ୍ଦିର ଢେଙ୍କାନାଳର କାମାକ୍ଷା ନଗରରେ ରହିଛି ।
ସମ୍ବଲପୁରର ହରିଜନପଡାରେ ଥିବା ମନ୍ଦିରରେ ପୂଜାରି ଦଳିତ ସମ୍ପ୍ରଦାୟର । ତାଙ୍କର ନାମ ପୁରିନ୍ଦର ଛୁରିଆ । ଏଠାରେ ଗାନ୍ଧିଜୀଙ୍କ ୧୫୦ତମ ଜୟନ୍ତୀ ଧୂମଧାମରେ ପାଳନ କରାଯିବ ବୋଲି , ସେ କହିଛନ୍ତି । ମହାତ୍ମାଗାନ୍ଧୀଙ୍କର ଅମର ବାଣୀକୁ ଆଜି ବି ଉଜ୍ଜୀବିତ ରଖିଥିବା କଥା ପୁରିନ୍ଦର କହିଛନ୍ତି । ଦଳିତମାନେ ମନ୍ଦିରରେ ପ୍ରବେଶ ପାଇଁ ଗାନ୍ଧିଜୀ ସମ୍ବଲପୁରରେ ପଦଯାତ୍ରା କରିଥିଲେ । ମେ ୫ ତାରିଖ ୧୯୩୪ ମସିହାରେ ଗାନ୍ଧିଜୀ ସମ୍ବଲପୁର ଆସିଥିଲେ ।
ମୁଖ୍ୟରାସ୍ତାରୁ ମାତ୍ର ୩୦୦ ମିଟର ଦୂରରେ ଗାନ୍ଧିଜୀଙ୍କର ମନ୍ଦିର ରହିଛି । ଏଠାରେ ଗାନ୍ଧିଜୀଙ୍କର ପିତ୍ତଳ ମୂର୍ତ୍ତୀ ପୂଜା ପାଉଛି । ମନ୍ଦିରରରେ ଭଗବତ୍ ଗୀତା ଓ ରାମାୟଣ ରହିଛି । ରାମଧୂନ ସହ ଏଠାରେ ପ୍ରତିଦିନ ଆରତୀ କରାଯାଉଛି । ୨ ଅକ୍ଟୋବର, ଅଗଷ୍ଟ ୧୫ ଓ ଜାନୁଆରୀ ୨୬ରେ ଏଠାରେ ବିଶେଷ ପୂଜାର୍ଚ୍ଚନା କରାଯାଇଥାଏ ।
ମନ୍ଦିର ପରିସରରେ ଡକ୍ଟର ଆମ୍ବେଦକର, ଲାଲ ବାହାଦୂର ଶାସ୍ତ୍ରୀ , ସୁବାଷ ଚନ୍ଦ୍ର ବୋଷ ଓ ଉତ୍କଳମଣି ଗୋପବନ୍ଧୁ ଦାସଙ୍କର ଫଟୋ ରହିଛି । ଏହି ମନ୍ଦିର ନିର୍ମାଣ ପୂର୍ବତନ ବିଧାୟକ ଅଭିମନ୍ୟୁ କୁମାରଙ୍କର ପ୍ରୟାସରେ ୧୯୭୨ରେ ଆରମ୍ଭ କରାଯାଇଥିଲା । ୧୯୭୪ରେ ତତ୍କାଳୀନ ମୁଖ୍ୟମନ୍ତ୍ରୀ ନନ୍ଦୀନ ଶତପଥୀ ଏହାକୁ ଉଦ୍ଘାଟନ କରିଥିଲେ ।
ଢେଙ୍କାନାଳ ଜିଲାର କାମାକ୍ଷା ନଗରରେ ଗାନ୍ଧିଜୀଙ୍କର ଏକ ମନ୍ଦିର ରହିଛି । ଏବେ ରାଜ୍ୟ ସରକାରରେ ମନ୍ତ୍ରୀ ଥିବା ପ୍ରଫୁଲ ମଲ୍ଲିକଙ୍କ ପ୍ରୟାସରେ ଏହାକୁ ତିଆରି କରାଯାଇଥିଲା । ଏହାକୁ ୫ ବର୍ଷ ହୋଇ ଗଲାଣି । ଗାନ୍ଧି ଶାନ୍ତି ପ୍ରତିଷ୍ଠାନ ସହ ଜଡିତ ରାଷ୍ଟ୍ରୀୟ ଯୁବା ସଂଗଠନର ଅଧ୍ୟକ୍ଷ ଡକ୍ଟର ବିଶ୍ୱଜିତଙ୍କ କହିବା ଅନୁସାରେ ଗାନ୍ଧିଜୀ ତାଙ୍କର ମନ୍ଦିର ନିର୍ମାଣ ସପକ୍ଷରେ ନ ଥିଲେ । ଗାନ୍ଧିଙ୍କର ଆଦର୍ଶ ଓ ସିଦ୍ଧାନ୍ତ ଜୀବିତ ରଖିବାର ଅଛି ତ ତାଙ୍କର ମାର୍ଗକୁ ଅନୁସରଣ କରିବା ଉଚିତ୍ । ଦେଶ ବିକାଶର ମୂଳ ମନ୍ତ୍ର ଗାନ୍ଧି ଦର୍ଶନ । ଗାନ୍ଧୀଙ୍କର ୧୫୦ ତମ ଜୟନ୍ତୀ ଏହି ମନ୍ଦିରମାନଙ୍କର ବିଶେଷ ଭାବେ ଆୟୋଜନ କରାଯିବ ।