ନୂଆଦିଲ୍ଲୀ : ନୋକିଆର ଏକ ନୂଆ ସ୍ମାର୍ଟଫୋନ ‘ନୋକିଆ ୫.୧ପ୍ଲସ’ ଭାରତୀୟ ବଜାରକୁ ପ୍ରବେଶ କରିଛି। ‘ନୋକିଆ ୫.୧ପ୍ଲସ’କୁ ଭାରତରେ ୩ ଜିବି ରାମ ଏବଂ ୩୨ ଜିବି ଷ୍ଟୋରେଜ ସହିତ ଲଞ୍ଚ କରାଯାଇଛି। ଏହି ଫୋନର ମୂଲ୍ୟ ୧୦,୯୯୯ଟଙ୍କା। ଏହାର ବିଶେଷତ୍ୱ ବିଷୟରେ କହିଲେ ଏଥିରେ ଥିବା ଷ୍ଟୋରେଜକୁ ମେମୋରୀ କାର୍ଡ ମାଧ୍ୟମରେ ୪୦୦ଜିବି ପର୍ଯ୍ୟନ୍ତ ବଢାଇପାରିବେ। ଅକ୍ଟୋବର ମାସ ୧ତାରିଖରୁ ଏହି ଫୋନକୁ ପ୍ଲିପକାର୍ଟ ଏବଂ ଅନଲାଇନ୍ ଷ୍ଟୋରରୁ କିଣିପାରିବେ। ମାତ୍ର ଏହାର ପ୍ରି ଅର୍ଡର ସୋମବାର ଠାରୁ ଆରମ୍ଭ ହୋଇଯାଇଛି। ଏହି ଫୋନରେ ଏୟାରଟେଲ ତରଫରୁ ୧୮୦୦ ଟଙ୍କାର କ୍ୟାସବ୍ୟାକ ଏବଂ ୨୪୦ ଜିବି ଡାଟା ମିଳିବ। ଏଥିପାଇଁ ୧୯୯, ୨୪୯ କିମ୍ବା ୪୪୮ ଟଙ୍କାର ପ୍ଳାନ ନେବାକୁ ପଡିବ।
‘ନୋକିଆ-୫.୧ ପ୍ଲସ’ର ବିଶେଷତ୍ୱ
ଫୋନର ବିଶେଷତ୍ୱ ବିଷୟରେ କହିଲେ ଏଥିରେ ଡୁଆଲ ସିମ ସପୋର୍ଟ, ଆଣ୍ଡ୍ରଏଡ ଓରିୟୋ ୮.୧, ୫.୮୬ ଇଞ୍ଚର ଏଚଡି ପ୍ଲସ ଡିସପ୍ଲେ ମିଳିବ ଯାହାର ରିଜୋଲ୍ୟୁସନ ୭୨୦/୧୫୨୦ ପିକ୍ସଲ। ଡିସପ୍ଲେ ଉପରେ ୨.୫ କର୍ଡ ଗ୍ଳାସର ସୁରକ୍ଷା ମଧ୍ୟ ରହିଛି। ଏହାବ୍ୟତୀତ ଫୋନରେ ମିଡିଆଟେକ ହିଲିୟୋ ପି-୬୦ ପ୍ରୋସେସର ରହିଛି। ଯାହାର କ୍ଲାକ ସ୍ପିଡ ୧.୮ଜିଏଚ୍ଜେଡ୍। ଫୋନରେ ୩ଜିବି ରାମ ସହିତ ୩୨ ଜିବି ଷ୍ଟୋରେଜ ମିଳିବ।
ଏଥିରେ ଡୁଆଲ ରିୟର କ୍ୟାମେରା ସେଟଅପ ରହିଛି ଯେଉଁଥିରୁ ଗୋଟିଏ କ୍ୟାମେରା ୧୩ ମେଗାପିକ୍ସଲ ଏବଂ ଅନ୍ୟଟି ୫ମେଗାପିକ୍ସେଲ। ଏହାର ଆଗପଟ କ୍ୟାମେରା ୮ମେଗାପିକ୍ସେଲ। ଫୋନରେ ୩୦୬୦ ଏମ୍ଏଚର ବ୍ୟାଟେରୀ ରହିଛି ଏବଂ ସଂଯୋଗ ପାଇଁ ୪ଜି ଭୋଲଟିଇ, ୱାଇ-ଫାଇ, ବ୍ଲୁଟୁଥ ଭି୪.୨, ଜିପିଏସ୍, ୟୁଏସବି ଟାଇପ-ସି ଏବଂ ୩.୫ଏମ୍ଏମ୍ର ହେଡଫୋନ ଜ୍ୟାକ ଦିଆଯାଇଛି। ଫୋନର ପଛପଟ ପ୍ୟାନେଲରେ ଟିପଚିହ୍ନ ସେନସର ରହିଛି।
