ବାରିପଦା: ଶନିବାର ଦିନ ମୟୁରଭଞ୍ଜରେ ୧୨ଘଣ୍ଟିଆ ବନ୍ଦ ଡାକରା ଦିଆଯାଇଛି। ସରକାର ଏହି ଜିଲାକୁ ଅବହେଳା କରୁଥିବା ପ୍ରତିବାଦରେ ଝାଡଖଣ୍ଡ ମୁକ୍ତି ମୋର୍ଚ୍ଚା ପକ୍ଷରୁ ଏହି ବନ୍ଦ ଡାକରା ଦିଆଯାଇଛି। ଏଥିରେ ଓକିଲ ସଂଘ ମଧ୍ୟ ସାମିଲ ହୋଇଛନ୍ତି। ହାଇକୋର୍ଟରେ ସ୍ଥାୟୀ ବେଞ୍ଚ ପ୍ରତିଷ୍ଠା, ବନ୍ଦ ହୋଇ ରହିଥିବା ବାରିପଦା ଅର୍ବାନ ବ୍ୟାଙ୍କକୁ ପୁନଃ କାର୍ଯ୍ୟକ୍ରମ ଦାବି ଓ ଲୋକଙ୍କ ଜମା ଟଙ୍କା ଫେରସ୍ତ ଏବଂ ଜିଲାକୁ ରେଳ ବିଭାଗର ଅବହେଳା ପରି ବିଭିନ୍ନ ଦାବିରେ ଏହି ବନ୍ଦ ଡାକରା ଦିଆଯାଇଛି।
ବନ୍ଦର ପ୍ରଭାବ ସାରା ମୟୁରଭଞ୍ଜ ଜିଲାରେ ବିଭିନ୍ନ ସ୍ଥାନରେ ଦେଖିବାକୁ ମିଳିଛି। ଜାତୀୟ ରାଜପଥରେ ଝାଡଖଣ୍ଡ ମୁକ୍ତି ମୋର୍ଚ୍ଚା କର୍ମୀମାନେ ବିକ୍ଷୋଭ କରିଛନ୍ତି। ଫଳରେ ଜାତୀୟ ରାଜପଥରେ ଯାତାୟତ ବନ୍ଦ ହୋଇଯାଇଛି। ଅନେକ ଦୋକାନ ବଜାର, ଶିକ୍ଷାନୁଷ୍ଠାନ ବନ୍ଦ ରହିଥିବାର ମଧ୍ୟ ଦେଖାଯାଇଛି।
