ଆପଣଙ୍କୁ ମେକଅପ ପସନ୍ଦ କି ? ଏହି ଦିଗ ପ୍ରତି ଧ୍ୟାନ ଦିଅନ୍ତୁ

ଆମେ ନିୟମିତ ମେକଅପ ଲଗାଇଥାଉ। ଦୈନନ୍ଦିନ କାର୍ଯ୍ୟାଳୟ ଯିବା ସମୟରେ ହେଉ ଅଥବା ବଜାରକୁ ଯିବା ବେଳେ ହେଉ ଆମେ ନିଶ୍ଚୟ ଆବଶ୍ୟକ ଅନୁଯାୟୀ ମେକଅପ ଲଗାଉ। ସେଭଳି କୌଣସି ପ୍ରକାରର ପୂଜାପର୍ବ ଥିଲେ, ଆମେ କିଛି ସ୍ୱତନ୍ତ୍ର ମେକଅପ ନେଇଥାଉ। ମେକଅପ କରିବା ସମୟରେ ଆମକୁ କିଛି କଥା ପ୍ରତି ଧ୍ୟାନ ଦେବା ନିତ୍ୟାନ୍ତ ଆବଶ୍ୟକ ଅଟେ। ଜାଣନ୍ତୁ ମେକଅପ ପାଇଁ କେଉଁ ଦିଗ ପ୍ରତି ଧ୍ୟାନ ଦେବେ ….
ଏକ୍ସପାୟାରି ତାରିଖ ଦେଖନ୍ତୁ-
ଆମେ ଯେଉଁ ସମୟରେ ମେକଅପ ଦ୍ରବ୍ୟ କିଣିବା ସେ ସମୟରେ ଏହାର ଏକ୍ସପାୟାରୀ ତାରିଖ ନିଶ୍ଚୟ ଦେଖିବା ଉଚିତ। ଅଧିକ ସମୟ ଯାଏଁ ଏହି ତାରିଖ ନଥିଲେ , ସେହି ଦ୍ରବ୍ୟ କିଣନ୍ତୁ ନାହିଁ। କାରଣ ଆମେ ମେକଅପ ଦ୍ରବ୍ୟ କିଛି ଦିନ ଆମ ପାଖରେ ରଖିବା ପରେ ଆମେ ଏହାକୁ ସବୁ ସମୟରେ ବ୍ୟବହାର କରିବା ବେଳେ ତାରିଖ ଦେଖିନଥାଉ। ଯାହା ଆମ ପାଇଁ ଖୁବ କ୍ଷତିକାରକ ଅଟେ।
ଦାମି ଦ୍ରବ୍ୟ ଉପରେ ଆମ ଧାରଣା –
ବେଳେ ଆମ ମନରେ ଆସିଥାଏ ଯେ, ମେକଅପର ଦାମୀ ଦ୍ରବ୍ୟ କିଣିବା ଦ୍ୱାରା ଏହା ଖୁବ ଭଲ ବୋଲି ଆମେ ଭାବି ଥାଉ। ମାତ୍ର ଏହା ଆମ ଚର୍ମ ପାଇଁ ସଠିକ ହେବା ନିତ୍ୟାନ୍ତ ଆବଶ୍ୟକ। ତେଣୁ ଆପଣଙ୍କ ମୁହଁ ପାଇଁ ସଠିକ ମେକଅପର ଦ୍ରବ୍ୟର ବ୍ୟବହାର କରନ୍ତୁ।
ଫାଉଣ୍ଡେସନ କିଣିବା ସମୟରେ –
ଆମେ ଯେତେବେଳେ ଫାଉଣ୍ଡେସନ କିଣୁଛନ୍ତି ସେହି ସମୟରେ ଏହାକୁ ନିଜ ଗାଲ ଓ ଚର୍ମର ରଙ୍ଗ ଅନୁଯାୟୀ ମ୍ୟାଚ କରି କିଣନ୍ତୁ। ଫାଉଣ୍ଡେସନ ଲଗାଇବା ସମୟରେ ଏହାକୁ ହାତ ନୁହେଁ ବରଂ ବ୍ରଶ ଦ୍ୱାରା ଲଗାନ୍ତୁ। ଏହାକୁ ଅଳ୍ପ ପରିମାଣରେ ଲଗାଇବା ଉଚିତ। ଫାଉଣ୍ଡେସନ ଲଗାଇବା ପରେ ଅତ୍ୟଧିକ ପାଉଡ଼ର ଲଗାନ୍ତୁ ନାହିଁ।
ଲାଇନର ଓ ମସ୍କରା –
ଲାଇନର ଓ ମସ୍କରା ଶୁଖିଗଲେ ଏହାକୁ ପାଣି ପକାଇ ବହୁ ଲୋକେ ଲଗାଇ ଥାଆନ୍ତି। ମାତ୍ର ଏପରି ଲଗାଇବା ଉଚିତ ନୁହେଁ। କାରଣ ଏପରି ଲଗାଇଲେ ଆଖି ଉପରେ କୁପ୍ରଭାବ ପଡ଼ିଥାଏ। ତେଣୁ ଲାଇନର ଓ ମସ୍କରା ଶୁଖିଗଲେ ଏହାକୁ ଫୋପାଡ଼ି ଦିଅନ୍ତୁ।