ପ୍ରୟାଗରାଜ କୁମ୍ଭ ୨୦୧୯ : ପ୍ରଥମଥର ପାଇଁ ବାହାରିବ କିନ୍ନର ଆଖଡ଼ାର ଶୋଭାଯାତ୍ରା

0

ପ୍ରୟାଗରାଜରେ ଅନୁଷ୍ଠିତ ହେବାକୁ ଥିବା କୁମ୍ଭ ମେଳାରେ ପ୍ରଥମ ଥର ପାଇଁ କିନ୍ନର ଆଖଡ଼ା ସାମିଲ ହେବାକୁ ଯାଉଛି। ଏହି ଅବସରରେ ଆଖଡ଼ା ତା’ର ଶୋଭାଯାତ୍ରା ମଧ୍ୟ ବାହର କରିବ। ଯେଉଁଥିରେ ନା କେବଳ ଦେଶର ବରଂ ବିଦେଶରୁ ମଧ୍ୟ ବହୁ ସଂଖ୍ୟାର କିନ୍ନରମାନେ ଆସି ଯୋଗଦେବେ। କିନ୍ନର ଆଖଡ଼ା ୬ ଜାନୁଆରୀରେ ନିଜ ଦେବତ୍ୱ ଯାତ୍ରା ବା ଶୋଭାଯାତ୍ରା ବାହାରକରିବା ପାଇଁ ଯୋଜନା କରିଛି। କିନ୍ନର ଆଖଡ଼ାର ପ୍ରୟାଗରେ ଏହା ପ୍ରଥମ କୁମ୍ଭ ହୋଇଥିବାରୁ ଶୋଭାଯାତ୍ରା ଖୁବ୍‍ ବିଶାଳ ଓ ଆଡ଼ମ୍ବରପୂର୍ଣ୍ଣ ହେବାକୁ ଯାଉଛି। ଏଥିସହିତ କିନ୍ନର ଆଖଡ଼ାର ଏହା ଦ୍ୱିତୀୟ କୁମ୍ଭ, ଯେଉଁଥିରେ ତାଙ୍କର ଶୋଭାଯାତ୍ରା ବାହାରିବ। ଏହାପୂର୍ବରୁ ୨୦୧୬ର ଉଜ୍ଜୈନ କୁମ୍ଭମେଳାରେ ଏହି ଆଖଡ଼ାର ଶୋଭାଯାତ୍ରା ବାହାରିଥିଲା। ପ୍ରୟାଗରାଜ କୁମ୍ଭରେ ଏହି ଆଖଡ଼ା ନିଜ ଶିବିର ମଧ୍ୟ ବସାଇବ। ଯେଉଁଠି ଲୋକେ କିନ୍ନରମାନଙ୍କ ଦୁନିଆର ବହୁ ଅଜଣା ତଥ୍ୟ ବିଷୟରେ ଅବଗତ ହୋଇପାରିବେ।