ମୁମ୍ବଇ : ବଲିଉଡ଼ ଅଭିନେତା ଅକ୍ଷୟ କୁମାରଙ୍କ ଅଭିନୀତ ଚଳଚ୍ଚିତ୍ର ‘କେଶରୀ’ର ଟ୍ରେଲର ଗୁରୁବାର ରିଲିଜ ହୋଇଛି। ଏହି ଚଳଚ୍ଚିତ୍ରରେ ଅକ୍ଷୟ ଜଣେ ଯୋଦ୍ଧା ଭୂମିକାରେ ଅଭିନୟ କରିଛନ୍ତି। ତାଙ୍କ ବିପକ୍ଷରେ ନାୟିକା ଭାବେ ପରିଣୀତି ଚୋପ୍ରା ଅଭିନୟ କରିଛନ୍ତି। ୩ମିନିଟ୍ ର ଏହି ଟ୍ରେଲର ଅକ୍ଷୟ କୁମାରଙ୍କ ଡାଏଲଗରୁ ଆରମ୍ଭ ହୋଇଛି। ସେ କହିଛନ୍ତି, “ଜଣେ ଗୋରା ମୋତେ କହିଥିଲା ଯେ, ତୁମେ ହେଉଛ ଗୋଲାମ। ହିନ୍ଦୁସ୍ତାନ ମାଟିରେ ଭୀରୁମାନେ ଜନ୍ମ ନେଇଥାଆନ୍ତି। ଆଜି ଉତ୍ତର ଦେବାର ସମୟ ଆସିଛି”। ଟ୍ରେଲରରେ ଜବରଦସ୍ତ ଆକ୍ସନ ମଧ୍ୟ ଦେଖିବାକୁ ମିଳିଛି। ୨୧ଜଣ ଶିଖ୍ ଯବାନ କିପରି ୧୦ହଜାର ଆଫଗାନୀଙ୍କ ସହ ଯୁଦ୍ଧ କରିଥିଲେ ତାହାକୁ ପ୍ରଦର୍ଶିତ କରାଯାଇଛି। ଯାହାକି ବାସ୍ତବରେ ଲୋମହର୍ଷଣକାରୀ।
Related Posts
‘କେଶରୀ’ର ନିର୍ଦ୍ଦେଶନା ଭାର ଅନୁରାଗ ସିଂହ ବହନ କରିଛନ୍ତି। ଏହା ବହୁ ପ୍ରଯୋଜକଙ୍କ ମିିଳିତ ସହଯୋଗରେ ନିର୍ମିତ ହୋଇଛି, ସେମାନଙ୍କ ମଧ୍ୟରୁ କରଣ ଜୋହର ହେଉଛନ୍ତି ଜଣେ। ଏହି ଚଳଚ୍ଚିତ୍ର ୨୧ ମାର୍ଚ୍ଚରେ ମୁକ୍ତିଲାଭ କରିବ।