ମୁମ୍ବଇ: ବଲିଉଡର ଜଣାଶୁଣା ନିର୍ମାତା-ନିର୍ଦେଶକ କରଣ ଜୋହର ତାଙ୍କର ଆଗାମୀ ଚଳଚ୍ଚିତ୍ର ‘ଶୁଦ୍ଧି’ ପାଇଁ ପ୍ରଭାସଙ୍କୁ ପ୍ରସ୍ତାବ ଦେଇଥିବା ସୂଚନା ମଳିଛି। ବାହୁବଳୀର ସଫଳତା ପରେ ପ୍ରଭାସ ହିନ୍ଦୀ ସିନେମାରେ ମଧ୍ୟ ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରି ପାରିଛନ୍ତି। ସୂଚନାଅନୁସାରେ, କରଣ ତାଙ୍କର ସିନେମା ‘ଶୁଦ୍ଧି’ ପାଇଁ ତିନି ରୁ ଚାରି ବର୍ଷ ହେବ କାମ ଆରମ୍ଭ କରିସାରିଛନ୍ତି। ମାତ୍ର ଏହି ସିନେମାର କାହାଣୀର ଗୁରୁତ୍ଵ ଦୃଷ୍ଟିରୁ ବଡ ବଡ ଅଭିନେତା ଏହି ସିନେମା କରିବାକୁ ମନା କରିଦେଇଛନ୍ତି। ହ୍ରୀତିକ ରୋଶନ, ସଲମାନ ଖାନ, ବରୁଣ ଧବନଙ୍କ ଭଳି କଳାକାର ଏହି ଚଳଚ୍ଚିତ୍ର କରିବା ପାଇଁ ସାହାସ ଜୁଟାଇ ପାରି ନାହାନ୍ତି। ଏବେ ଖବରଅନୁସାରେ କରଣ ପ୍ରଭାସଙ୍କୁ ଏହି ସିନେମା ପାଇଁ ପ୍ରସ୍ତାବ ଦେଇଛନ୍ତି। ଏହାକୁ ନେଇ ପ୍ରଭାସ କଛି ସମୟ ମାଗିଥିବା ଜଣାପଡିଛି। ପ୍ରଭାସ ଖୁବଶୀଘ୍ର ଚଳଚ୍ଚିତ୍ର ସାହୋରେ ନଜର ଆସିବେ। ଏହି ସିନେମା ୨୦୧୯ମସିହା ଅଗଷ୍ଟ ୧୫ରେ ମୁକ୍ତିଲାଭ କରିବ।
