ଭୁବନେଶ୍ୱର ..- ସାରା ରାଜ୍ୟରେ ୭୦ତମ ସାଧାରଣତନ୍ତ୍ର ଦିବସ ଧୁମ୍ଧାମ୍ରେ ପାଳନ କରାଯାଇଛି । ଭୁବନେଶ୍ୱରରେ ଆୟୋଜିତ ରାଜ୍ୟସ୍ତରୀୟ ପରେଡ୍ରେ ରାଜ୍ୟପାଳ ପ୍ରଫେସର୍ ଗଣେଶୀଲାଲ୍ ପତାକା ଉତ୍ତୋଳନ କରିବା ସହ ପରେ଼ଡ୍ର ଅଭିବାଦନ ଗ୍ରହଣ କରିଥିଲେ । ରାଜଧାନୀର ଗାନ୍ଧୀ ମାର୍ଗରେ ପରେଡ୍ର ଆୟୋଜନ କରାଯାଇଥିଲା । ଏହି ଅବସରରେ ସୁରକ୍ଷା ପାଇଁ ୩୧ ପ୍ଲାଟୁନ୍ ପୁଲିସ ବଳ ମୁତୟନ କରାଯାଇଥିଲେ ।
ପୁଲିସ୍, ଅଗ୍ନିଶମ ବିଭାଗ, ଏନସିସ୍, ବିଭିନ୍ନ ବିଦ୍ୟାଳୟର ଛାତ୍ରଛାତ୍ରୀ ଏହି ଅବସରରେ ପରେଡ୍ ପ୍ରଦର୍ଶନ କରିଥିଲେ । ଏହା ସହ ବିଭିନ୍ନ ପାରମ୍ପରିକ ନୃତ୍ୟ ପ୍ରଦର୍ଶନ କରାଯାଇଥିଲା ।
କଟକର ବାରବାଟୀ ଷ୍ଟାଡିୟମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଜାତୀୟ ପତାକା ଉତ୍ତୋଳନ କରିଥିଲେ । ଏହି ଅବସରରେ ମୁଖ୍ୟମନ୍ତ୍ରୀ ଏକ୍ଜୁଟ୍ ହୋଇ ମାଟି ପାଇଁ କାମ କରିବାକୁ ଆହ୍ୱାନ ଦେଇଛନ୍ତି । କାଳିଆ ଯୋଜନାକୁ ଚାଷୀମାନେ ଲାଭବାନ ହେବେ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି ।