ଦକ୍ଷିଣ ଆଫ୍ରିକା ବିପକ୍ଷ ଟେଷ୍ଟ ଶୃଙ୍ଖଳା ପାଇଁ ଭାରତୀୟ ଦଳ ଘୋଷିତ

0

ନୂଆଦିଲ୍ଲୀ : ଭ୍ରମଣକାରୀ ଦକ୍ଷିଣ ଆଫ୍ରିକା ବିପକ୍ଷରେ ଅକ୍ଟୋବର ୨ରୁ ଆରମ୍ଭ ହେଉଥିବା ୩ ମ୍ୟାଚ୍‌ ବିଶିଷ୍ଟ ଟେଷ୍ଟ ସିରିଜ୍‌ ନିମନ୍ତେ ଗୁରୁବାର ୧୫ ଜଣିଆ ଭାରତୀୟ ଦଳ ଘୋଷଣା ହୋଇଛି। ଆଶା ଅନୁଯାୟୀ ଘୋଷିତ ଦଳରୁ କେଏଲ ରାହୁଲଙ୍କୁ ବାଦ ଦିଆଯାଇଛି ଓ ତାଙ୍କ ସ୍ଥାନରେ ଶୁଭମନ ଗିଲଙ୍କୁ ସୁଯୋଗ ଦିଆଯାଇଛି । ସେହିପରି ଟି-୨୦ ଏବଂ ଦିନିକିଆ ଦଳର ଉପଅଧିନାୟକ ରୋହିତ ଶର୍ମାଙ୍କ ଟେଷ୍ଟ ମ୍ୟାଚ ଖେଳିବା ନିମନ୍ତେ ଅପେକ୍ଷାର ଅନ୍ତ ଘଟିଛି । ଏଥର ସେ ପ୍ରାରମ୍ଭିକ ବ୍ୟାଟ୍ସମ୍ୟାନ ଭାବେ ଓପନିଂ କରିବେ ବୋଲି ମୁଖ୍ୟ ଚୟନକର୍ତ୍ତା ଏମକେ ପ୍ରସାଦ ଘୋଷଣା କରିଛନ୍ତି ।

ଟେଷ୍ଟ ଦଳ : ବିରାଟ କୋହଲି (ଅଧିନାୟକ), ମୟଙ୍କ ଅଗ୍ରୱାଲ,  ରୋହିତ ଶର୍ମା, ଚେତେଶ୍ବର ପୂଜାରା, ଅଜଙ୍କ୍ୟା ରାହାଣେ (ଉପଅଧିନାୟକ), ହନୁମାନ ବିହାରୀ, ଋଷଭ ପନ୍ତ (ୱିକେଟ ରକ୍ଷକ), ଋଦ୍ଧିମାନ ଶାହା (ୱିକେଟ ରକ୍ଷକ),  ଆର ଅଶ୍ବିନ, କୁଲ୍‍ଦୀପ ଯାଦବ, ରବୀନ୍ଦ୍ର ଜାଡେଜା, ମହମ୍ମଦ ସାମି, ଇଶାନ୍ତ ଶର୍ମା, ଯଶ୍‍ପ୍ରୀତ ବୁମରା ଏବଂ ଶୁଭମନ ଗିଲ ।