ଲକ୍ଷ୍ମୌ: ଉତ୍ତର ପ୍ରଦେଶର ରାମପୁର ଜିଲାରେ ଗୁଟୁଖା ଖାଇ ୩୪ ଜଣ ଟ୍ରାଫିକ ପୁଲସ ଚାକିରୀ ହରାଇଛନ୍ତି । କାମ ସମୟରେ ଏମାନେ ଗୁଟୁଖା ଖାଉଥିବା ଯୋଗୁଁ ଚାକିରୀରୁ ନିଲମ୍ବନ କରାଯାଇଛି । କାମ କରୁଥିବା ବେଳେ କେଉଁ ଟ୍ରାଫିକ ପୁଲିସମାନେ ବିଭିନ୍ନ ନିୟମ ଉଲ୍ଲଘଂନ କରୁଛନ୍ତି ସେ ବିଷୟରେ ଉଚ୍ଚ ପଦସ୍ଥ ଅଧିକାରୀମାନେ ଯାଞ୍ଚ କରିଥିଲେ । କିଛି ଟ୍ରାଫିକ ପୁଲିସ ବିନା ହେଲମେଟରେ ମଟର ସାଇକେଲ୍ ଚଲାଉଥିବା ବେଳେ ଧରାପଡି ଜରିମାନା ଦେଇଛନ୍ତି ।
ରାମପୁରର ଏସ୍ପି ବିପିନ ଟାଡା ନିଜେ ଏକ ଟିମ୍ ସହ ବିଭିନ୍ନ ସ୍ଥାନରେ ଚଢଉ କରିଥିଲେ । ପୁଲିସ ପୋଷାକରେ ଥାଇ ନିୟମ ଉଲ୍ଲଘଂନ କରୁଥିବା ବ୍ୟକ୍ତିମାନଙ୍କୁ ଧିରିଥିଲେ । ଏମାନଙ୍କ ଠାରୁ ଜରିମାନା ଆଦାୟ କରିବା ସହ ଗୁଟୁଖା ଖାଉଥିବା ବ୍ୟକ୍ତିମାନଙ୍କୁ ନିଲମ୍ବିତ କରିଥିଲେ । ଦାୟିତ୍ୱରେ ଥିବା ବ୍ୟକ୍ତିମାନେ ନିଜେ ସଚେତନ ହେଲେ , ସାଧାରଣ ଲୋକଙ୍କୁ ଅଧିକ ସଚେତନ କରିପାରିବେ । ଏହା ଦ୍ୱାରା ବିଭିନ୍ନ ସଡକ ଦୁର୍ଘଟଣାକୁ ଦୂର କରିହେବ ବୋଲି ରାମପୁର ଏସ୍ପି ବିପିନ ଟାଡା କହିଛନ୍ତି ।