ଜାଣନ୍ତୁ କେଉଁ ଫଳ କେଉଁ ସମୟରେ ଖାଇବା ଉଚିତ

0
299
image courtesy-Hydroxycut

ଏହା ଆମେ ସମସ୍ତେ ଜାଣନ୍ତି ଯେ, ଫଳ ସ୍ବାସ୍ଥ୍ୟ ପ୍ରତି ଖୁବ୍ ଉପଯୋଗୀ। ଫଳରେ ପ୍ରଚୁର ପରିମାଣରେ ପୋଷକ ତତ୍ତ୍ୱ ଥାଏ। ଯାହାକି ଶରୀରକୁ ସୁସ୍ଥ ଓ ଶକ୍ତ କରିବା ପାଇଁ ନିହାତି ଆବଶ୍ୟକ। ହେଲେ ଫଳ ଏକ ନିର୍ଦ୍ଧାରିତ ସମୟରେ ଖାଇବା ଉଚିତ। ନଚେତ ଏହାର ସମ୍ପୂର୍ଣ୍ଣ ଲାଭ ମିଳି ପାରିବ ନାହିଁ, ଏଥିସହିତ ସମୟ ସମୟରେ ଏହାର କୁପ୍ରଭାବ ମଧ୍ୟ ଦେଖା ଦେଇଥାଏ। ତେଣୁ ଆପଣ ଏ ବିଷୟରେ ଅବଗତ ରହିବା ଉଚିତ ଯେ କେଉଁ ସମୟରେ କେଉଁ ଫଳ ଖାଇବା ଉଚିତ।

– ସେଓରେ ପ୍ରଚୁର ପରିମାଣର ପୋଷକ ତତ୍ତ୍ୱ ଓ ଅନେକ ଭିଟାମିନ୍‌ ରହିଥାଏ। ଏହି ଫଳରେ ଶରୀରରୁ ଟକ୍ସିକ(ବିଷାକ୍ତ ଭାଗ) ବାହାର କରିବାର ଗୁଣ ମଧ୍ୟ ରହିଛି। ଏହାକୁ ସକାଳ ସମୟରେ ଖାଲି ପେଟରେ ଖାଇବା ସ୍ବାସ୍ଥ୍ୟ ପ୍ରତି ଭଲ।
– କମଳାରେ ପ୍ରଚୁର ପରମାଣର ‘ଭିଟାମିନ୍‌-ସି’ ରହିଛି। ଏହାବ୍ୟତୀତ ଭିଟାମିନ୍‌ ଏ, ଆମିନୋ ଏସିଡ୍‌, କ୍ୟାଲସିୟମ୍‌, ଆୟୋଡିନ୍‌, ଫସଫରସ୍‌, ସୋଡିୟମ୍‌ ଆଦି ମଧ୍ୟ ରହିଛି। କମଳା ଖାଇବା ପୂର୍ବରୁ ନିଶ୍ଚୟ ଧ୍ୟାନ ଦେବେ ଯେପରି ସକାଳୁ କିମ୍ବା ରାତିରେ ଏହାକୁ ଖାଇବେ ନାହିଁ। ଯେତେବେଳେ ବି ଖାଆନ୍ତୁ, ଖାଇବାର ୧ ଘଣ୍ଟା ପୂର୍ବରୁ ନଚେତ ପରେ ଖାଇବା ଉଚିତ।
– ଅଙ୍ଗୁର ଖାଇବା ଦ୍ୱାରା ଶରୀରରେ ଜଳ ମାତ୍ରା ଅଧିକ ରହେ। ଏହି ଫଳ ଖାଇବା ଦ୍ବାରା ଶରୀର ଫୂର୍ତ୍ତି ଲାଗିଥାଏ। ଏଥିରେ ବିଭିନ୍ନ ଭିଟାମିନ୍ ଭରପୁର ହୋଇ ଥାଏ। ଏହାକୁ ଖାଲି ପେଟରେ ଖାଇବା ବେଶି ଲାଭପ୍ରଦ ହୋଇଥିବାରୁ ସକାଳ ସମୟରେ ହିଁ ଆପଣ ଅଙ୍ଗୁର ଖାଇବା ଉଚିତ।
– କଦଳୀରେ ଫାଇବର୍, ପୋଟାସିୟମ, କ୍ୟାଲସିୟମ୍‌ ଓ ଭିଟାମିନ୍‌-ସି ରହିଛି। ଦିନକୁ ଗୋଟିଏ କଦଳୀ ଖାଇଲେ ଶରୀରରେ କୋଲେଷ୍ଟ୍ରଲର ସ୍ତର ନିୟନ୍ତ୍ରିତ ରହିଥାଏ। ରାତି ବ୍ୟତୀତ ଅନ୍ୟ କୌଣସି ସମୟରେ କଦଳୀ ଖାଇପାରନ୍ତି।
– ନଡ଼ିଆରେ ଫାଇବର୍‌, କ୍ୟାଲସିୟମ୍‌, ମ୍ୟାଗ୍‌ନେସିୟମ୍‌ ଆଦି ପ୍ରଚୁର ପରିମାଣରେ ରହିଛି। ପେଟ ସମସ୍ୟା ଥିବା ବ୍ୟକ୍ତିମାନେ ସବୁ ସମୟରେ ପଇଡ଼ ପାଣି ପିଇପାରିବେ। ଏହାକୁ ପିଇଲେ ବିଭିନ୍ନ ଧରଣର ପେଟ ସମସ୍ୟା ଦୂର ହୋଇଥାଏ।
– ଆମ୍ବ ମଧ୍ୟ ଏକ ସୁସ୍ବାଦୁ ଓ ସ୍ବାସ୍ଥ୍ୟ ଉପଯୋଗୀ ଫଳ। ଏଥିରେ ଭିଟାମିନ୍‌ ବି-୬, ଭିଟାମିନ୍‌ ଏ, ଫାଇବର୍‌ ଆଦି ଭରପୂର ପରିମାଣରେ ରହିଛି। ଏଥିରେ ପୋଟାସିୟମ୍‌, ମ୍ୟାଗ୍ନେସିୟମ୍‌ ଓ କପର ପରି ମିନେରାଲ୍ ମାତ୍ରା ମଧ୍ୟ ଅଧିକ ଥାଏ। ମାତ୍ର ଧ୍ୟାନ ରଖନ୍ତୁ ଯେ ଏହା ପେଟ ଗରମ କରିଥାଏ। କ୍ଷୀର ମିଶାଇ ଆମ୍ବ ସେକ୍‌ ପ୍ରସ୍ତୁତ କରି ମଧ୍ୟ ପିଇ ପାରିବେ।