ନୂଆଦିଲ୍ଲୀ : ବିଜେପି ନେତା ରାଜୀବ ବାବରଙ୍କ ଦ୍ବାରା ଆଗତ ଏକ ମାନହାନି ମାମଲାରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ଓ ତାଙ୍କ ଆମ୍ ଆଦମୀ ପାର୍ଟିର ତିନି ଜଣ ନେତାଙ୍କୁ ସ୍ଥାନୀୟ ପଟିଆଲା ହାଉସ୍ କୋର୍ଟ ସମନ ଜାରି କରିଛନ୍ତି। ଏପ୍ରିଲ ୩୦ରେ ସେମାନଙ୍କୁ ଅଦାଲତରେ ହାଜର ହେବା ପାଇଁ ଏଥିରେ କୁହାଯାଇଛି। ଅନ୍ୟ ତିନି ନେତା ହେଉଛନ୍ତି ରାଜ୍ୟସଭା ସାଂସଦ ସୁଶୀଲ କୁମାର ଗୁପ୍ତା, ଦଳର ମୁଖପାତ୍ର ଅତିଶୀ ଓ ବିଧାୟକ ମନୋଜ କୁମାର। ଏମାନେ ସମସ୍ତେ ସାମାଜିକ ଗଣମାଧ୍ୟମ ଜରିଅାରେ ବିଜେପିର କୁତ୍ସାରଟନା କରୁଥିବା ଓ ଭୋଟର ତାଲିକାରୁ ଅନେକଙ୍କ ନାମ ବାଦ୍ ଦେଇଥିବା ରାଜୀବ ଅଭିଯୋଗ କରିଛନ୍ତି।
