ଅଗରତାଲା : ସୀମାସୁରକ୍ଷା ବଳର ସହକାରୀ ସବ୍ଇନ୍ସପେକ୍ଟର ଯୋଗେନ୍ଦ୍ର ସିଂହଙ୍କ ଗୁଳିବିଦ୍ଧ ମୃତଦେହ ଗୁରୁବାର ଦକ୍ଷିଣ ତ୍ରିପୁରାର ସାବ୍ରୁମ୍ ଅନ୍ତର୍ଗତ କାଥଲତାଲି ଅଞ୍ଚଳରୁ ଉଦ୍ଧାର କରାଯାଇଛି। କେଉଁ ପରିସ୍ଥିତିରେ ତାଙ୍କର ମୃତ୍ୟୁ ଘଟିଛି ତାହାର ତଦନ୍ତ କରାଯାଉଛି। ମୃତ ଯବାନଙ୍କ ଘର ହରିୟାଣାରେ ବୋଲି କୁହାଯାଇଛି।
ଅପରପକ୍ଷରେ ସିମଳା ନିକଟ କିନୌରଠାରେ ଫେବୃଆରୀ ୨୦ରେ ବରଫ ଅତଡ଼ା ଧସିବା ଜନିତ ଦୁର୍ଘଟଣାର ଉଦ୍ଧାର କାର୍ଯ୍ୟ ଗୁରୁବାର ଶେଷ ହୋଇଛି। ଶେଷ ଦିନରେ ଆଉ ଦୁଇ ଜଣ ଯବାନଙ୍କ ମୃତଦେହ ଉଦ୍ଧାର କରାଯାଇଛି। ଏହି ଦୁର୍ଘଟଣାରେ ମୃତ୍ୟୁ ସଂଖ୍ୟା ୭ରେ ପହଞ୍ଚିଛି।
