ବିବାହ ପାଇଁ ମନା କରିବାରୁ ମହିଳାଙ୍କୁ ଭୁଜାଲିରେ ଆକ୍ରମଣ

ଢେଙ୍କାନାଳ : ବିବାହ ପାଇଁ ମନା କରିବାରୁ ମହିଳାଙ୍କୁ ଭୁଜାଲିରେ ଆକ୍ରମଣ କରାଯାଇଥିବାର ଅଭିଯୋଗ ହୋଇଛି। ଢେଙ୍କାନାଳ ଜିଲା କଙ୍କଡାହାଡ ଗ୍ରାମରେ ଏପରି ଅଭାବନୀୟ ଘଟଣା ଘଟିଛି। ଆକ୍ରମଣରେ ମହିଳାଙ୍କ ପିଠି, ଗୋଡ, ଜଙ୍ଗରେ ଗଭୀର କ୍ଷତ ହୋଇଛି। ତାଙ୍କୁ ଉଦ୍ଧାର କରାଯାଇ କାମାକ୍ଷାନଗର ଡାକ୍ତରଖାନାରେ ଭର୍ତ୍ତି କରାଯାଇଛି। ଅଭିଯୁକ୍ତକୁ କଙ୍କଡାହାଡ ଥାନାରେ ଅଟକ ରଖାଯାଇ ପଚରାଉଚରା କରାଯାଉଛି। ଆହତ ମହିଳାଙ୍କ ନାମ ହେଉଛି ମାମିନା। ଅଭିଯୁକ୍ତ ଜଣକ ତାଙ୍କ ଦିଅର ବୋଲି ଜଣାପଡିଛି।

ସୂଚନାଯୋଗ୍ୟ ଯେ, ମାମିନା ପ୍ରାୟ ଏକ ବର୍ଷ ପୂର୍ବେ ଢେଙ୍କାନାଳ ଜିଲା କଙ୍କଡାହାଡ ଥାନା ଅନ୍ତର୍ଗତ ତରାଜଙ୍ଗ ଗ୍ରାମରେ ବିବାହ କରିଥିଲେ। ବିବାହର ବର୍ଷକ ପରେ ତାଙ୍କ ସ୍ବାମୀଙ୍କର ସଡକ ଦୁର୍ଘଟଣାରେ ମୃତ୍ୟୁ ହୋଇଯାଇଥିଲା। ସ୍ବାମୀଙ୍କ ମୃତ୍ୟୁ ପରେ ମାମିନା ତାଙ୍କ ବାପଘରକୁ ପଳାଇ ଆସିଥିଲେ। କିନ୍ତୁ କିଛି ଦିନ ହେବ ତାଙ୍କ ଦିଅର ତାଙ୍କୁ ବିବାହ କରିବାକୁ କହିଥିଲେ। ମାମିନା ମନା କରିବାରୁ ଦିଅର ଉତକ୍ଷେପିତ ହୋଇଥିଲେ। ମଙ୍ଗଳବାର ସକାଳେ ମାମିନା ପୋଖରୀରୁ ଫେରୁଥିବା ବେଳେ ପୂର୍ବରୁ ଲୁଚି ରହିଥିବା ଦିଅର ତାଙ୍କୁ ଭୁଜାଲିରେ ଆକ୍ରମଣ କରିଥିଲା।