ଭୁବନେଶ୍ୱର: ଓଡିଶା ବିଧାନସଭାର ବଜେଟ ଅଧିବେଶନ ଆରମ୍ଭ ହୋଇଛି । ବିଧାନସଭାର ଦିବଙ୍ଗତ ସଦସ୍ୟ ଓ ସହିଦ ଯବାନମାନଙ୍କୁ ପ୍ରଥମେ ଶ୍ରଦ୍ଧାଞ୍ଜଳୀ ପ୍ରଦାନ କରାଯାଇଥିଲା । ଏହାପରେ ରାଜ୍ୟପାଳ ଏସ୍ସି ଜମିର ନିଜର ବଜେଟ ଅଭିଭାଷଣ ପ୍ରଦାନ କରିଥିଲେ ।
ନିଜ ଅଭିଭାଷଣରେ ରାଜ୍ୟର ସରକାରଙ୍କ ବିଭିନ୍ନ ଯୋଜନା ବିଷୟରେ ରାଜ୍ୟପାଳ ସୂଚନା ଦେଇଥିଲେ । ଓଡିଶାର ଓ ଭାଷାର ଇଂରାଜୀରେ ନାମ ଓରିଶାରୁ ଓଡିଶା, ଓରିଆକୁ ଓଡିଆ ଭାବେ ପରିବର୍ତ୍ତନ, ଓଡିଆ ଭାଷାଙ୍କୁ ସରକାରୀ ଭାଷାର ମାନ୍ୟତା ପ୍ରଦାନ, କୃଷକଙ୍କ ପାଇଁ ଇ-କାରବାର ପ୍ରକ୍ରିୟା, ଆମ ଗାଁ ବିକାଶ କାର୍ଯ୍ୟକ୍ରମ ଓ ବିଭିନ୍ନ ଜନହିତକର ଯୋଜନା ବିଷୟରେ ଅଭିଭାଷଣରେ ସୂଚନା ପ୍ରଦାନ କରିଥିଲେ ।
ରାଜ୍ୟପାଳ ଭାଷଣ ଆରମ୍ଭ କରିବା ସମୟରେ ବିରୋଧିଦଳ ପକ୍ଷରୁ ଏହାକୁ ବିରୋଧ କରାଯାଇଥିଲା । ବିରୋଧିଦଳ ନେତା ନରସିଂହ ମିଶ୍ର ଏହାକୁ ବିରୋଧ କରିଥିଲେ । କଂଗ୍ରେସ ଦଳ ପକ୍ଷରୁ କକ୍ଷ ତ୍ୟାଗ କରାଯାଇଥିଲା । ଅଭିଭାଷଣରେ ରାଜ୍ୟର ଆଇନ ଶୃଙ୍ଖଳା ପରିସ୍ଥିତି , କୃଷି ପ୍ରସଙ୍ଗରେ ସରକାର ଯେଉଁ ପ୍ରତିଶୃତି ଦେଇଥିଲେ ସେ ବିଷୟରେ କିଛି ନ ଥିବା, ସରକାର ନିଜ କଥା ରଖି ନ ଥିବା କଥା ପ୍ରକାଶ କରିଥିଲେ । ରାଜ୍ୟପାଳଙ୍କ ଅଭିଭାଷଣ ବେଳେ କଂଗ୍ରେସର ସଦସ୍ୟମାନେ କକ୍ଷ ତ୍ୟାଗ କରିଥିଲେ ।
ସରକାର ନିଜ କଥା ଏହି ଅଭିଭାଷଣରେ ପ୍ରକାଶ କରିଥିବା କଥା କଂଗ୍ରେସ ଦଳ ମୁଖ୍ୟ ସଚେତକ ତାରା ପ୍ରସାଦ ବାହିନୀ ପତି କହିଛନ୍ତି ।
ସେହିପରି ଏହି ଅଭିଭାଷଣରେ କିଛି ନୂଆ କଥା ନାହିଁ । ସରକାର ନିଜ ପ୍ରତିଶୃତି ପାଳନ କରି ନ ଥିବା କଥା ବିଜେପି ବିଧାୟକ ପ୍ରଦୀପ ପୁରୋହିତ ସୂଚନା ଦେଇଛନ୍ତି ।
ବିରୋଧି ଦଳ ବେଜିଟ ଅଭିଭାଷଣ ନ ଶୁଣି ବିରୋଧି ଦଳ ନେତା ଛାନିଆଁ ହେଉଥିବା କଥା ବିଜେଡି ବିଧାୟକ ତଥା ପୂର୍ବତନ ମନ୍ତ୍ରୀ ଅରୁଣ ସାହୁ କହିଛନ୍ତି ।