ରାୟଗଡା : କୋଲନର ବ୍ଲକ ଅନ୍ତର୍ଗତ କେଶରୀ ଘାଟିରେ ଏକ ମିନିଟ୍ରକ ଓଲଟି ଜଣଙ୍କର ମୃତ୍ୟୁ ଘଟିଥିବା ବେଳେ ନଅ ଜଣ ଆହତ ହୋଇଛନ୍ତି। ସେମାନଙ୍କୁ ପ୍ରଥମେ ମିନଝୋଲା ପରେ ରମାନଗୁଡା ସ୍ଥାନାନ୍ତର କରାଯାଇଛି । ତେବେ ୫ଜଣଙ୍କ ଅବସ୍ଥା ଗୁରୁତର ହେବାରୁ ସେମାନଙ୍କୁ ରାୟଗଡା ସ୍ଥାନାନ୍ତର କରାଯାଇଛି। ମିନାଝୋଲାରୁ ଜରଡି କ୍ରସରକୁ କାମ କରିବାକୁ ଯାଉଥିବା ବେଳେ କେଶରୀ ଘାଟିରେ ମିନିଟ୍ରକଟି ଭାରସାମ୍ୟ ହରାଇ ଓଲଟି ପଡିଥିଲା। ତେବେ ସେଥିରେ ବସିଥିବା ଦଶ ଜଣଙ୍କ ମଧ୍ୟରୁ ଘଟଣାସ୍ଥଳରେ ସୁକାନ୍ତି ତଇକା ନାମକ ଜଣେ ମହିଳା ଶ୍ରମିକର ମୃତ୍ୟୁ ଘଟିଥିବା ବେଳେ ଅନ୍ୟମାନେ ଆହତ ହୋଇଛନ୍ତି। ଡ୍ରାଇଭର ଘଟଣାସ୍ଥଳରୁ ଫେରାର ହୋଇଯାଇଛି। ଚାନ୍ଦିଲି ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
