ଅଧିକ ଲୋକେ ନିଜର ଚିନ୍ତାଗ୍ରସ୍ତ ଜୀବନ ପାଇଁ ନିଜର କାର୍ଯ୍ୟାଳୟକୁ ଦାୟୀ କରିଥାଆନ୍ତି। ଏହି କାରଣରୁ ଅଧିକ ଲୋକେ କାର୍ଯ୍ୟ ଶୀଘ୍ର ସାରି କାର୍ଯ୍ୟାଳୟରୁ ଘରକୁ ଯିବା ପାଇଁ ଅତ୍ୟନ୍ତ ଇଚ୍ଛୁକ ରହି ଥାଆନ୍ତି।
ଏକ ଗବେଷଣାରୁ ଜଣାପଡିଛି ଯେ, ମହିଳାମାନେ ଘର ଅପେକ୍ଷା କାର୍ଯ୍ୟାଳୟରେ କମ ଚିନ୍ତାଗ୍ରସ୍ତ ରହି ଥାଆନ୍ତି। ଗବେଷକମାନେ ଗୋଟିଏ ସପ୍ତାହରେ ୧୨୨ଜଣ ବ୍ୟକ୍ତିଙ୍କ କୋର୍ଟିସୋଲ ହର୍ମୋନ ଯାଞ୍ଚ କରିଥିଲେ। ଏହାସହ ଦିନରେ ଅଲଗା ଅଲଗା ସମୟରେ ସେମାନଙ୍କ ମାନସିକ ସ୍ତର ପଚାରି ବୁଝାଥିଲେ। ସର୍ବଶେଷରେ ମହିଳାମାନେ ନିଜ ଘର ଅପେକ୍ଷା କାର୍ଯ୍ୟାଳୟରେ କମ ଚିନ୍ତାଗ୍ରସ୍ତ ରହି ଥାଆନ୍ତି ବୋଲି ଜାଣିଥିଲେ।
ଗବେଷକମାନେ କହିଥିଲେ ଯେ, ସାଧାରଣତଃ ମହିଳାମାନେ ପୁରୁଷଙ୍କ ଅପେକ୍ଷା ଅଫିସରେ ଅଧିକ ଖୁସି ରହି ଥାଆନ୍ତି। ଗବେଷଣା ସମୟରେ ବିଭିନ୍ନ ଦେଶର ଲୋକମାନଙ୍କୁ ଗବେଷକମାନେ ସାମିଲ କରିଥିଲେ।
ଜଣାପଡିଛି ଯେ, ମହିଳାମାନଙ୍କୁ ଯେଉଁ ସ୍ଥାନରେ କାର୍ଯ୍ୟ କରିବାକୁ ଭଲ ଲାଗି ନଥାଏ ସେଠାରେ କାର୍ଯ୍ୟ କରି ନଥାଆନ୍ତି। ଯେଉଁଠାରେ ମହିଳାମାନଙ୍କୁ ଆତ୍ମସନ୍ତୋଷ ମିଳିଥାଏ ସେମାନେ ସେଠାରେ କାର୍ଯ୍ୟ କରିବାକୁ ପସନ୍ଦ କରି ଥାଆନ୍ତି। କିନ୍ତୁ ପୁରୁଷମାନଙ୍କ କ୍ଷେତ୍ରରେ ଏପରି ହୋଇ ନଥାଏ। ସେମାନେ ନିଜ କାମରେ ସନ୍ତୁଷ୍ଟ ନ ହେଲେ ମଧ୍ୟ ସେଠାରେ କାର୍ଯ୍ୟ କରି ଥାଆନ୍ତି। ଏହି କାରଣରୁ ପୁରୁଷମାନେ କାର୍ଯ୍ୟାଳୟରେ ଖୁସି ରହିପାରନ୍ତି ନାହିଁ।
ଯେଉଁ ମହିଳାମାନଙ୍କର ସନ୍ତାନ ଥାଆନ୍ତି ଓ ସେମାନେ କାର୍ଯ୍ୟାଳୟରେ କାର୍ଯ୍ୟ କରୁଥିଲେ ମଧ୍ୟ ଅନ୍ୟ ମହିଳାଙ୍କ ଅପେକ୍ଷା କମ ଚିନ୍ତାଗ୍ରସ୍ତ ରହି ଥାଆନ୍ତି। ଏବଂ ସେମାନଙ୍କ ଠାରେ ଚିନ୍ତାଗ୍ରସ୍ତ ହେବାର ସମ୍ଭାବନ କମ ରହିଥାଏ।