ଭ୍ରମଣ ପାଇଁ ଯାଆନ୍ତୁ ଦେବକୁଣ୍ଡ

0

ମୟୂରଭଞ୍ଜ ଜିଲାର ଦେବକୁଣ୍ଡ ହେଉଛି ଏକ ପ୍ରସିଦ୍ଧ ପର୍ଯ୍ୟଟନ ସ୍ଥଳୀ। ଶିମିଳିପାଳର ପାଦଦେଶରେ ଥିବା ଏହି ପର୍ଯ୍ୟଟନ ସ୍ଥଳୀରେ ମା’ଅମ୍ବିକାଙ୍କ ପୀଠ ଅଛି। ପାହାଡ଼, ଝରଣା ସହିତ ଘେରା ଜଙ୍ଗଲ ଦେବକୁଣ୍ଡ ବଣଭୋଜି ପାଇଁ ଏକ ଆକର୍ଷଣୀୟ ସ୍ଥାନ ପାଲଟିଛି। ଝରଣା ଓ ଛୋଟ ଜଳପ୍ରପାତକୁ ମା’ଙ୍କ ମନ୍ଦିର ଲାଗିରହିଛି। ପ୍ରତିବର୍ଷ ଏଠାରେ ମା’ଙ୍କ ଦର୍ଶନ ଓ ବଣଭୋଜି ପାଇଁ ଜନସମାଗମ ହେଉଛି। ମା’ଙ୍କୁ ଦର୍ଶନ କରି ଏଠାରେ ଭକ୍ତମାନେ ବେଶ ଆନନ୍ଦିତ ହୁଅନ୍ତି। ବିଶ୍ୱାସ ରହିଛି ଯେ, ଦେବତାମାନେ ଏଠାରେ ସ୍ନାନ କରି ମା’ଙ୍କୁ ପୂଜା କରିଥିଲେ। ତେଣୁ ଏହା ଦେବକୁଣ୍ଡ ନାମରେ ନାମିତ ହୋଇଛି। ପ୍ରତ୍ୟକ୍ଷ ଦେବୀ ମା’ ଅମ୍ବିକାଙ୍କ ନିକଟରେ ମାନସିକ ପୂରଣ ପାଇଁ ବର୍ଷସାରା ଭକ୍ତଙ୍କ ଭିଡ଼ ଲାଗିଥାଏ। ପାହାଡ଼, ଜଙ୍ଗଲ, ଝରଣାର ମନଲୋଭା ଦୃଶ୍ୟ ଏଠାକୁ ପର୍ଯ୍ୟଟକଙ୍କୁ ଟାଣି ଆଣିଥାଏ। ପର୍ଯ୍ୟଟକଙ୍କ ଭିଡ଼କୁ ନଜରରେ ରଖି ସୁରକ୍ଷା ବ୍ୟବସ୍ଥା ମଧ୍ୟ କରାଯାଉଛି। ନିକଟରେ ଥିବା ପାର୍କରେ ପିଲାମାନେ ବେଶ ବିଭିନ୍ନ ପ୍ରକାରର ଦୋଳି ଖେଳି ଖୁସି ହୁଅନ୍ତି। ମା’ଙ୍କୁ ଦର୍ଶନ ସହ ସବୁଜଶ୍ୟାମଳ ଭରା ପ୍ରକୃତିର ଦୃଶ୍ୟକୁ ପର୍ଯ୍ୟଟକ ଉପଭୋଗ କରିବା ସହ ବଣଭୋଜିର ମଧ୍ୟ ମଜା ନେଇଥାଆନ୍ତି। କେବଳ ରାଜ୍ୟ ନୁହେଁ ରାଜ୍ୟ ବାହାରୁ ମଧ୍ୟ ବହୁ ଲୋକେ ଏଠାକୁ ଭ୍ରମଣ ପାଇଁ ଆସିଥାଆନ୍ତି।

Comments
Loading...