ଉଦ୍ଧାର ଗଳିତ ଶବ ମହାବଳ ବାଘର ବୋଲି ଚିହ୍ନଟ

0

ଭୁବନେଶ୍ବର: ବରଗଡ଼ ରେଞ୍ଜ ଅନ୍ତର୍ଗତ ଖଜୁରିଆ-ଦାମୋଦରପଡ଼ା ମଧ୍ୟସ୍ଥ ଜଙ୍ଗଲରୁ ଉଦ୍ଧାର ହୋଇଥିବା ବାଘର ଗଳିତ ଶବ ମହାବଳ ବାଘର ବୋଲି ଜଣାପଡିଛି । ବାଘକୁ ପୋତା ଯାଇଥିବା ସ୍ଥାନରୁ ଅନତିଦୂରରେ ଏକ ବ୍ୟାଗ ମଧ୍ୟରୁ ବାଘର ପଞ୍ଝା ଏବଂ ନିଶ ଜବତ ହୋଇଥିଲା । ଏହା ନିକଟରେ ଡେବ୍ରିଗଡ଼ରେ ଦେଖା ଯାଇଥିବା ଏକମାତ୍ର ମହାବଳ ବାଘର ବୋଲି ସ୍ପଷ୍ଟ ହୋଇଛି । ମହାବଳ ବାଘକୁ ଶିକାର କରିଥିବା ଅଭିଯୋଗରେ ୪ ଶିକାରୀ ଗିରଫ ହୋଇଛନ୍ତି । ସେମାନେ ହେଲେ ଭଟଲି ଖଜରିଆ ଗାଁର ତହସିଲ ଭୋଇ, ସୁଶୀଳ ଭୋଇ ଓ ସତ୍ୟ ପ୍ରଧାନଙ୍କ ସହ ଅନ୍ୟ ଜଣେ ଗିରଫ ହୋଇଥିବା ନେଇ ଆରସିସିଏଫ୍ ଓ.ପି ସିଂହ ସୂଚନା ଦେଇଛନ୍ତି ।

ଅନ୍ୟପକ୍ଷରେ ବନ ବିଭାଗ ଡେରାଡୁନ ଏବଂ ବେଙ୍ଗାଲୁରୁକୁ ପରୀକ୍ଷା ପାଇଁ ଯେଉଁ ନମୁନା ପଠାଇଥିଲା ତାହାର ରିପୋର୍ଟ ଏଯାଏଁ ପହଞ୍ଚି ନଥିବା ବେଳେ ପୁଙ୍ଖାନୁପୁଙ୍ଖ ତଦନ୍ତ ପାଇଁ ଜାତୀୟ ବ୍ୟାଘ୍ର ସଂରକ୍ଷଣ ପ୍ରାଧିକରଣ (ଏନଟିସିଏ)ର ଦୁଇ ଜଣିଆ ଟିମ୍ ତଦନ୍ତ ପାଇଁ ବରଗଡ଼ ଆସିବେ ବୋଲି ସୂଚନା ମିଳିଛି ।

ଗତ ରବିବାର ବରଗଡ଼ ରେଂଜ ଅନ୍ତର୍ଗତ ଖଜୁରିଆ-ଦାମୋଦରପଡ଼ା ମଧ୍ୟସ୍ଥ ଜଂଗଲରୁ ବାଘର ଗଳିତ ଶବ ଉଦ୍ଧାର ହୋଇଥିଲା । ଏହି ଶବଟି ମହାବଳ ବାଘ କିମ୍ବା କଲରାପତରିଆ ବୋଲି ସନ୍ଦେହ ସୃଷ୍ଟି ହୋଇଥିଲା। ବିଭାଗୀୟ ମନ୍ତ୍ରୀ ଓ ବନ ବିଭାଗ କର୍ମଚାର ଶବଟି ମହାବଳ ବାଘର ବୋଲି ମାନିବାକୁ ପ୍ରସ୍ତୁତ ନଥିଲେ।

Comments
Loading...