ନୂଆଦିଲ୍ଲୀ: ମୋଦୀ ସରକାରରେ ଟାଣୁଆ ନେତ୍ରୀ ଭାବେ ପରିଚିତ ସୁଷମା ସ୍ୱରାଜ ୨୦୧୯ ଲୋକସଭା ନିର୍ବାଚନରେ ଭାଗ ନେବେ ନାହିଁ। ମଧ୍ୟପ୍ରଦେଶର ଇନ୍ଦୋରଠାରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ସୁଷମା ଏ ସମ୍ପର୍କରେ ଘୋଷଣା କରିଛନ୍ତି। ୬୬ବୟସ୍କା ଏହି ନେତ୍ରୀ ନିଜ ସ୍ୱାସ୍ଥ୍ୟଗତ କାରଣରୁ ନିର୍ବାଚନରେ ଭାଗ ନ ନେବାକୁ ନିଷ୍ପତ୍ତି ନେଇଥିବା ପ୍ରକାଶ କରିଛନ୍ତି।
ମୋଦୀ ସରକାରରେ ସୁଷମା ସ୍ୱରାଜଙ୍କୁ ଜଣେ ନିର୍ଭୀକ ଓ ସଚ୍ଚୋଟ ପ୍ରତିଭା ସମ୍ପନ୍ନ ନାରୀ ନେତ୍ରୀ ଭାବେ ଜଣାଶୁଣା। ବିଦେଶ ମନ୍ତ୍ରୀ ଭାବେ ସୁଷମା ନିର୍ବର୍ିକାର ଭାବେ ଭାରତର ପକ୍ଷ ରଖିବା ସହ ସୋସିଆଲ ମିଡିଆରେ ତାଙ୍କ ସକ୍ରିୟତା ବିରୋଧୀଙ୍କୁ ମଧ୍ୟ ବାକ୍ରୁଦ୍ଧ କରିଛି। ଭାରତକୁ ଭିନ୍ନ ଭାବେ ସମଗ୍ର ବିଶ୍ୱ ସମ୍ମୁଖରେ ଉପସ୍ଥାପନ କରିବା କ୍ଷେତ୍ରରେ ସୁଷମାଙ୍କ ଅବଦାନ ଅତୁଳନୀୟ। ୨୦୦୯ରେ ସୁଷମାଙ୍କୁ ସଂସଦରେ ବିରୋଧୀ ଦଳର ନେତ୍ରୀ ଭାବେ ଚୟନ କରାଯାଇ ଥିଲା। ପୂର୍ବରୁ ମଧ୍ୟ ସେ କେନ୍ଦ୍ର ମନ୍ତ୍ରୀ ଦାୟିତ୍ୱ ତୁଲାଇବା ସହ ଦିଲ୍ଲୀର ମୁଖ୍ୟମନ୍ତ୍ରୀ ଦାୟିତ୍ୱ ତୁଲାଇଛନ୍ତି।
