ଖଡ଼ଗପୁର: ଆଇଆଇଟି ଖଡ଼ଗପୁରର ଗବେଷକଙ୍କୁ ୨୫୦କୋଟି ବର୍ଷ ପୂର୍ବେ ଭାରତରେ ଜୀବନ ଥିବା ପ୍ରମାଣ ମିଳିଛି। ପୃଥିବୀ ପୃଷ୍ଠରେ ଜୈବ-ରାସାୟନିକ ପରିବର୍ତ୍ତନ ହେତୁ ଧରାପୃଷ୍ଠରେ ଅମ୍ଳଜାନ ଗ୍ୟାସ ଉତ୍ପନ୍ନ ହୋଇଥିଲା। ୨୪୦କୋଟି ବର୍ଷ ପୂର୍ବେ ଏହି ପ୍ରକ୍ରିୟା ପରେ ପୃଥିବୀ ପୃଷ୍ଟରେ ଜୀବଜନ୍ତୁଙ୍କ ଜନ୍ମ ହୋଇଥିଲା। “ଗ୍ରେଟ ଅକ୍ସଡାଇସନ୍ ଇଭେଣ୍ଟ’ ନାମରେ ପରିଚିତ ଏହି ତଥ୍ୟକୁ ଭିତ୍ତି କରି ପୃଥିବୀ ପୃଷ୍ଠରେ ୨୪୦କୋଟି ବର୍ଷ ପୂର୍ବେ ପ୍ରାଣ ସଞ୍ଚାର ହୋଇଥିଲା ବୋଲି ବିଶ୍ୱାସ କରାଯାଏ।
ତେବେ ଆଇଆଇଟି ଖଡ଼ଗପୁରର ବିଶେଷଜ୍ଞଙ୍କ ତଥ୍ୟ ଅନୁଯାୟୀ ୨୫୦କୋଟି ବର୍ଷ ପୂର୍ବେ ଭାରତ ପୃଷ୍ଠରେ ଜୀବିତ ପ୍ରାଣୀଙ୍କ ଚଳପ୍ରଚଳ ଥିଲା ବୋଲି ପ୍ରମାଣିତ ହୋଇଛି। ପୃଥିବୀ ପୃଷ୍ଠରେ ସର୍ବପ୍ରଥମେ ଜୀବାଣୁଙ୍କ ଉତ୍ପନ୍ନ ହୋଇଥିବା ପ୍ରମାଣିତ ରହିଥିବାବେଳେ ଦକ୍ଷିଣଭାରତର ଉପକୂଳବର୍ତ୍ତୀ ଅଞ୍ଚଳରେ ପୃଥିବୀର ସର୍ବପ୍ରଥମ ଜୀବାଣୁର ଆବିର୍ଭାବ ହୋଇଥିବା ଆଇଆଇଟ ଗବେଷକଙ୍କୁ ପ୍ରମାଣ ମିଳିଛି। ଗବେଷକଙ୍କ ଏଭଳି ତଥ୍ୟ ଭୂ-ବିଜ୍ଞାନୀ ଓ ମୃତ୍ତିକା ବିଶେଷଜ୍ଞଙ୍କୁ ଚକିତ କରିଦେଇଛି। ଗବେଷକଙ୍କୁ ଏହି ବ୍ୟାକ୍ଟେରିଆଙ୍କ ସୁରାକ ସେହି ସମୟରେ ମିଳିଛି ଯେଉଁ ସମୟରେ ପୃଥିବୀ ପୃଷ୍ଠ କ୍ରମାଗତ ଭୂମିକମ୍ପ ଓ ଅନିୟମିତ ବାତାବରଣ ପରିବର୍ତ୍ତନର ଜାରି ରହିଥିଲା।
