ବିଧାନସଭା ଓ ଲୋକସଭା ନିର୍ବାଚନରେ ଇଭିଏମ୍‍ ହିଁ ବ୍ୟବହାର କରାଯିବ : ସୁପ୍ରିମକୋର୍ଟ

0

ନୂଆଦିଲ୍ଲୀ :  ଆଗାମୀ ବିଧାନସଭା ଓ ଲୋକସଭା ନିର୍ବାଚନରେ ଇଲେକ୍‍ଟ୍ରୋନିକ୍‍ ଭୋଟିଂ ମେସିନ ବା ଇଭିଏମ୍‍ ହିଁ ବ୍ୟବହାର କରାଯିବ। ଏ ସଂପର୍କରେ ଦାଖଲ ହୋଇଥିବା ଜନସ୍ୱାର୍ଥ ମାମଲାର ଶୁଣାଣି କରି ସୁପ୍ରିମକୋର୍ଟ ଏହି ନିର୍ଦ୍ଦେଶ ଦେଇଛନ୍ତି। ଆଗାମୀ ବିଧାନସଭା ଓ ଲୋକସଭା ନିର୍ବାଚନରେ ଇଭିଏମ ସ୍ଥାନରେ ବାଲଟ କାଗଜ ବ୍ୟବହାର କରାଯିବା ଲାଗି ଦାଖଲ ହୋଇଥିବା ପିଆଇଏଲକୁ ଅଦାଲତ ଖାରଜ କରିଦେଇଛନ୍ତି। ପ୍ରଧାନ ବିଚାରପତି ରଞ୍ଜନ ଗୋଗୋଇଙ୍କ ଅଧ୍ୟକ୍ଷତାରେ ଗଠିତ ଏକ ଖଣ୍ଡପୀଠ ଏହି ରାୟ ଶୁଣାଇଛନ୍ତି। ଇଲେକ୍‍ଟ୍ରୋନିକ୍‍ ଭୋଟିଂ ମେସିନର ଅପବ୍ୟବହାର ସମ୍ଭାବନା ଥିବା ଏବଂ ଅବାଧ ଓ ନିରପେକ୍ଷ ଭୋଟ୍‍ଗ୍ରହଣ ପାଇଁ ସେଗୁଡ଼ିକୁ ବ୍ୟବହାର କରାଯିବା ଉଚିତ ନୁହେଁ ବୋଲି ‘ନ୍ୟାୟଭୂମି’ ନାମକ ଏନଜିଓର ଯୁକ୍ତି ଗ୍ରହଣଯୋଗ୍ୟ ନୁହେଁ ବୋଲି କହିବା ସହ କୋର୍ଟ ପିଆଇଏଲକୁ ଖାରଜ କରି  କହିଛନ୍ତି। ପ୍ରତ୍ୟେକ ବ୍ୟବସ୍ଥା ଓ ମେସିନକୁ ବ୍ୟବହାର କରାଯାଇପାରିବ ଓ ଅପବ୍ୟବହାର ମଧ୍ୟ କରାଯାଇପାରିବ ଏବଂ ସବୁ ସ୍ଥାନରେ ସନ୍ଦେହ ରହିବ। ତେଣୁ ପ୍ରଚଳିତ ତଥା ନୂଆ ବ୍ୟବସ୍ଥାକୁ ଗ୍ରହଣ କରିବାରେ କୁଣ୍ଠାବୋଧ କାହିଁକି ବୋି ଅଦାଲତ ପ୍ରଶ୍ନ କରିଛନ୍ତି?

Comments
Loading...