ଭୁବନେଶ୍ୱର : ତିତଲି ବାତ୍ୟା ଓ ବନ୍ୟାରେ ହେଇଥିବା କ୍ଷୟକ୍ଷତିର ଆକଳନ କରୁଛନ୍ତି ରାଜ୍ୟ ସରକାର । ବନ୍ୟାରେ ଗୃହପାଳିତ ପଶୁ ମରିଥିଲେ କ୍ଷତିପୂରଣ ଦିଆଯିବ ରାଜ୍ୟ ସରକାର ଘୋଷଣା କରିଛନ୍ତି । ଗାଈ ପାଇଁ ୩୦ ହଜାର, ବଳଦ ପାଇଁ ୨୫ ହଜାର, ଛେଳି ଓ ମେଣ୍ଢାଙ୍କ ପାଇଁ ମୁଣ୍ଡ ପିଛା ୩ ହଜାର ଟଙ୍କା ଲେଖାଏଁ ପ୍ରଦାନ କରାଯିବ ବୋଲି ସୂଚନା ମିଳିଛି । ସେହିଭଳି କୁକୁଡା ଚିଆଁ ପାଇଁ ସର୍ବାଧିକ ୫ ହଜାର ଟଙ୍କାର କ୍ଷତିପୂରଣ ଦିଆଯିବ । ବାସନକୁସନ ଓ ଲୁଗାପଟା ନଷ୍ଟ ହୋଇଥିଲେ ସେଥିପାଇଁ ୩୮୦୦ ଟଙ୍କା ମିଳିବ । ସମତୁଲ ଅଞ୍ଚଳରେ ଘର ନଷ୍ଟ ହୋଇଥିଲେ ୯୫ ହଜାର ୧୦୦ଟଙ୍କା ଏବଂ ପାହାଡ ଉପରେ ଘର ନଷ୍ଟ ହୋଇଥିଲେ ୧ ଲକ୍ଷ ୧୯୦୦ ଟଙ୍କା ମିଳିବ । ଏନେଇ ଯୁଗ୍ମ ରିଲିଫ୍ କମିଶନର ପ୍ରଭାତ ମହାପାତ୍ରଙ୍କ ସୂଚନା ଦେଇଛନ୍ତି । ସେହିପରି ଆସନ୍ତା ୨୩ ସୁଦ୍ଧା ଗଜପତିରେ ଅବଶିଷ୍ଟ ଅଞ୍ଚଳରେ ବିଦ୍ୟୁତ୍ ସେବା ପହଞ୍ଚିବ ବୋଲି ଶ୍ରୀ ସେଠୀ ସୂଚନା ଦେଇଛନ୍ତି ।
