ଯାଜପୁର : ଯାଜପୁର ଅଧିଷ୍ଠାତ୍ରୀ ଦେବୀ ମା’ବିରଜାଙ୍କ ଷୋଡ଼ଶ ଦିବସ ପୂଜା ଆରମ୍ଭ ହୋଇଯାଇଛି। କାଲି ରାତିରେ ମା’ଙ୍କ ଚଳନ୍ତି ପ୍ରତିମା ( ଆଶା ବାଡ଼ି ) ମନ୍ଦିରରୁ ଛତା , ତରାସ ଘଣ୍ଟ କିର୍ତ୍ତନ ସହ ବାହାରି ନିକଟସ୍ଥ ବ୍ରହ୍ମାକୁଣ୍ଡକୁ ଯାଇଥିଲେ। ମୁଖ୍ୟ ପୂଜକଙ୍କ ଦ୍ୱାରା ଘଟ ପୂଜା ସମାପ୍ତ ପରେ ସେଠାରୁ ତୀର୍ଥ ଜଳ ମା’ଙ୍କ ମନ୍ଦିରକୁ ଆଣିଥିଲେ।ଏହା ପରେ ମା’ଙ୍କ ମହାସ୍ନାନ ହୋଇଥିଲା। ମହାସ୍ନାନ ସରିବା ପରେ ଷୋଡ଼ଶ ଉପଚାର ପୂଜା ଆରମ୍ଭ ହୋଇଛି। ମା’ଙ୍କ ମୁଖ୍ୟ ପୂଜକ ହିମାଂଶୁ ଶେଖର ପତିମିଶ୍ର, ଜ୍ଞାନ ରଞ୍ଜନ ପତିଙ୍କ ସମେତ ମା’ଙ୍କ ପୂଜକମାନେ ଏହି ସ୍ୱତନ୍ତ୍ର ପୂଜା କାର୍ଯ୍ୟ ସମ୍ପାଦନ କରିଛନ୍ତି ।
