ଭୋପାଳ..- ବିବାହ ବେଦୀରେ ଓଢ଼ଣା ନଦେବାରୁ ବାହାଘର ଭାଙ୍ଗିଯିବା ସହ ବର ଓ କନ୍ୟା ପକ୍ଷ ମଧ୍ୟରେ ନିସ୍ତୁକ ମାରପିଟ୍ ବି ହୋଇଛି । ଶେଷରେ ବର ନିଜେ ବରପକ୍ଷ ଲୋକଙ୍କୁ ଥାନାକୁ ନେଇ କନ୍ୟାପକ୍ଷ ନାମରେ ମାମଲା ରୁଜୁ କରିଛି । ଏପିର ଘଟଣା ମଧ୍ୟପ୍ରଦେଶରେ ଘଟିଛି ।
ମଧ୍ୟପ୍ରଦେଶର ରତଲାମରେ ବର୍ଷା ସୋନାଓ୍ୱା ଓ ବଲ୍ଲଭ ପାଞ୍ଚୋଲିଙ୍କ ମଧ୍ୟରେ ବିବାହ ହେବାର ଥିଲା । ବଲ୍ଲଭ ବାଜା ରୋଷଣୀ ସହ ବିବାହ ମଣ୍ଡପରେ ପହ଼଼ଞ୍ଚିଥିଲେ । ବିବାହ ବେଦୀକୁ କନ୍ୟା ଆସିବା ସମୟରେ ଓଢ଼ଣା ଦେଇ ନ ଥିଲେ , ଶାଢୀ ବଦଳରେ ଗାଉନ୍ ବି ପିନ୍ଧିଥିଲେ । ଓଢ଼ଣା ଦେବା ପାଇଁ ବର ପକ୍ଷର କିଛି ଲୋକ ଅଡ଼ି ବସିଥିଲେ, ଶାଢୀ ବି ପିନ୍ଧିବା ପାଇଁ କହିଥିଲେ । ମାତ୍ର କନ୍ୟା ଏପରି କରିବାକୁ ମନା କରିଥିଲା । କନ୍ୟାପକ୍ଷର ଲୋକ ବି ଏହାକୁ ସମର୍ଥନ କରିଥିଲେ । ପରେ କଥା କଟା କଟି ହୋଇଥିଲା । ଟାଇମସ୍ନାଓ.କମ୍ର ଖବର ଅନୁଯାୟୀ ଉଭୟପକ୍ଷ କଥା କଟାକଟି ଓ ପରେ ହାତାହାତି ହୋଇଥିଲେ ।
ମାରପିଟ୍ ଆରମ୍ଭ ହେବାରୁ ବର କିଛି ଲୋକଙ୍କୁ ନେଇ ନିକଟସ୍ଥ ଥାନାକୁ ଯାଇଥିଲା । ପୁଲିସ ଅଧିକାରୀମାନେ ଘଟଣାସ୍ଥଳରେ ପହଞ୍ଚି ସୋମାନଙ୍କୁ ବୁଝାସୁଝା କରିବା ପରେ ବିବାହ ପାଇଁ ୩ ଘଣ୍ଟା ଆଲୋଚନା କରିଥିଲେ । ମାତ୍ର କୌଣସି ନିଷ୍କର୍ସ ନ ବାହାରୁବାରୁ ବାହାଘରକୁ ବାତିଲ କରି ଦିଆଯ।ଇଥିଲା । ଉଭୟ ପକ୍ଷ ଅତି ଉଚ୍ଚ ଶିକ୍ଷିତ । ବଲ୍ଲଭ ସିଭିଲ୍ ଇଞ୍ଜିନିୟର ହୋଇଥିବା ବେଳେ ବର୍ଷା କେନ୍ଦ୍ରସରକାରଙ୍କ ଅଧିନରେ ଚାକିରି କରୁଛନ୍ତି ବୋଲି ପୁଲିସ ସୂଚନା ଦେଇଛି ।