ଗୁଗଲରେ ଭିକାରୀ ସର୍ଚ୍ଚ କଲେ ଆସୁଛି ଇମ୍ରାନ ଖାଁଙ୍କ ଫଟୋ, ସୁନ୍ଦର ପିଚାଇଙ୍କୁ ସମନ କଲା ପାକିସ୍ତାନ

0

ଇସଲାମାବାଦ : ଇଣ୍ଟରଟେନ୍‍ ସର୍ଚ୍ଚ ଇଞ୍ଜିନ୍‍ ଗୁଗଲ୍‍ରେ ଭିକାରୀ ସର୍ଚ୍ଚ କଲେ ପାକିସ୍ତାନ ପ୍ରଧାନମନ୍ତ୍ରୀ ତଥା ତେହିରିକ୍‍-ଇ-ଇନ୍‍ସାଫ ଅଧ୍ୟକ୍ଷ ଇମ୍ରାନ ଖାଁଙ୍କ ଫଟୋ ଆସୁଛି। ଏହାକୁ ନେଇ ପାକିସ୍ତାନ କ୍ଷୁବ୍ଧ ହୋଇଛି। ଫଳରେ ପାକିସ୍ତାନ ପକ୍ଷରୁ ଗୁଗୁଲର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (ସିଇଓ) ସୁନ୍ଦର ପିଚାଇଙ୍କୁ ସମନ୍‍ ଜାରି କରାଯାଇଛି। ସୂଚନା ଅନୁସାରେ ଗୁଗଲ୍‍ ସିଇଓଙ୍କୁ ସମନ୍‍ ଜାରି କରିବାକୁ ପାକିସ୍ତାନ ପଞ୍ଜାବ ପ୍ରଦେଶରେ ଏକ ପ୍ରସ୍ତାବ ପାରିତ ହୋଇଛି। ଏହି କ୍ରମରେ ଗୁଗଲ ସିଇଓଙ୍କୁ ସମନ୍‍ ଜାରି କରି ସର୍ଚ୍ଚ ଇଞ୍ଜିନ୍‍ରେ ‘ଭିକାରୀ’ ଶବ୍ଦ ଅନୁସନ୍ଧାନ କଲେ ଇମ୍ରାନ ଖନଙ୍କ ଫଟୋ କାହିଁକି ଆସୁଛି ବୋଲି ପଚରାଯାଇଛି। ପାକିସ୍ତାନର ଜଣେ ସାମ୍ବାଦିକ ଏହି ପ୍ରସ୍ତାବ ଏବଂ ଫଟୋକୁ ସାମାଜିକ ଗଣମାଧ୍ୟମରେ ସେୟାର କରିଛନ୍ତି।
ପ୍ରକାଶଯୋଗ୍ୟ ଯେ ଏବେ ପାକିସ୍ତାନ ଗୁରୁତର ଆର୍ଥିକ ସଂକଟ ଦେଇ ଗତି କରୁଛି। ପାକିସ୍ତାନ ବିଦେଶ ମୁଦ୍ରା ଭଣ୍ଡାରର ସଞ୍ଚୟ ବହୁତ କମ ହୋଇଯାଇଛି। ଆର୍ଥିକ ବ୍ୟବସ୍ଥାକୁ ସୁଧାରିବା ପାଇଁ ପାକିସ୍ତାନ ବିଭିନ୍ନ ସଂସ୍ଥାରୁ ଋଣ ନେବାକୁ ଚେଷ୍ଟା କରୁଛି। ତେଣୁ ସାମାଜିକ ଗଣମାଧ୍ୟମରେ ଇମ୍ରାନ୍‍ ଖାନଙ୍କୁ କଟାକ୍ଷ କରି ଅନେକ ବ୍ୟଙ୍ଗଫଟୋ ଅପଲୋଡ କରାଯାଉଛି। କିଛି ଦିନ ତଳେ ଇମ୍ରାନ ଖାଁ ସାଉଦି ଆରବ, ଚୀନ ଯାଇ ସାହଯ୍ୟ ଭିକ୍ଷା କରିଥିଲେ। ସାଉଦି ଆରବ ଇମ୍ରାନଙ୍କ ଅନୁରୋଧ ରକ୍ଷା କରି ପାକିସ୍ତାନ ସରକାରଙ୍କୁ ୬ ଶହ କୋଟି ଟଙ୍କାର ଋଣ ଦେବ ବୋଲି ଘୋଷଣା କରିଥିଲା।

Comments
Loading...