ରାଜ୍ୟସଭା ନିର୍ବାଚନରେ ନୋଟା ରହିବ ନାହିଁ: ସୁପ୍ରିମକୋର୍ଟ

0

ନୂଆଦିଲ୍ଲୀ: ରାଜ୍ୟସଭା ନିର୍ବାଚନରେ ନୋଟା(ନନ୍‍ ଅଫ୍‍ ଦି ଏବୋଭ୍‍) ବ୍ୟବସ୍ଥା ଲାଗୁ ହୋଇପାରିବ ନାହିଁ ବୋଲି ସୁପ୍ରିମକୋର୍ଟ କହିଛନ୍ତି। ନିର୍ବାଚନ କମିଶନ୍‍ଙ୍କ ବିଜ୍ଞପ୍ତି ବିରୋଧରେ ଆଗତ ମାମଲାର ବିଚାର କରି ସୁପ୍ରିମ୍‍କୋର୍ଟ ପ୍ରଧାନ ବିଚାରପତି ଦୀପକ ମିଶ୍ର ଓ ବିଚାରପତି ଏ ଏମ ଖାନୱିକର ଓ ଡି ୱାଇ ଚନ୍ଦ୍ରଚୂଡ଼ଙ୍କୁ ନେଇ ଗଠିତ ଖଣ୍ଡପୀଠ ଉପରୋକ୍ତ ଆଦେଶ ଦେଇଛନ୍ତି।
ଗତ ଗୁଜରାଟ ରାଜ୍ୟସଭା ନିର୍ବାଚନରେ ବ୍ୟାଲେଟ୍‍ ପେପରରେ ନିର୍ବାଚନ କମିଶନ୍‍ ନୋଟା ବ୍ୟବସ୍ଥା ରଖିଥିଲେ। ଏହା ବିରୋଧରେ କଂଗ୍ରେସ ମୁଖ୍ୟ ସଚେତକ ଶୈଲେ ମନୁଭାଇ ପରମାର ସ୍ରୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲେ। ସୂଚନାଯୋଗ୍ୟ, ଲୋକସଭା ଓ ବିଧାନସଭା ନିର୍ବାଚନରେ ନୋଟା ବ୍ୟବସ୍ଥା ପାଇଁ ୨୦୧୩ରେ ସୁପ୍ରିମକୋର୍ଟ ପରାମର୍ଶ ଦେଇଥିଲେ। ୨୦୧୪ରେ ପରଠାରୁ ରାଜ୍ୟସଭା ନିର୍ବାଚନରେ ମଧ୍ୟରେ ନୋଟା ବ୍ୟବହାରକୁ ରାଜ୍ୟ ସଭା ବାଧ୍ୟତାମୂଳକ କରିଛନ୍ତି। ସୁୁପ୍ରିମକୋର୍ଟରେ ଏ ସମ୍ପର୍କିତ ମାମଲାର ଶୁଣାଣି ବେଳେ ଏନ୍‍ଡିଏ ମଧ୍ୟ କଂଗ୍ରେସକୁ ସମର୍ଥନ କରିଥିଲା।

Comments
Loading...