କେରଳବାସୀଙ୍କୁ ପ୍ରଧାନମନ୍ତ୍ରୀଙ୍କ ଆଶ୍ୱାସନା

0

କୋଚି : ଶତାବ୍ଦୀର ଭୟଙ୍କର ବନ୍ୟାର ବିଷାଦର ଛାୟା ରହିଥିବା ବେଳେ ପରସ୍ପରର ଦୁଃଖରେ ସମଦୁଃଖୀ ହୋଇ ଶନିବାର ପବିତ୍ର ଓଣମ୍‍ ଉତ୍ସବ ପାଳନ କରିଛନ୍ତି ରାଜ୍ୟବାସୀ। ରିଲିଫ୍‍ କ୍ୟାମ୍ପରେ ଆଶ୍ରୟ ନେଇଥିବା ଲୋକଙ୍କୁ ଆହାର ତଥା ସହାୟତା ପ୍ରଦାନ କରିବାରେ କଟିଛି କେରଳବାସୀଙ୍କ ଏହି ପର୍ବର ଦିନ। ଅନ୍ୟପଟେ ରାଷ୍ଟ୍ରପତି ରାମନାଥ କୋବିନ୍ଦ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କେରଳବାସୀଙ୍କୁ ଓଣମର ଶୁଭେଚ୍ଛା ଜଣାଇଛନ୍ତି। ବନ୍ୟା ପରେ ଏକ ନୂତନ ଜୀବନ ଆରମ୍ଭ କରିବା ନେଇ ରାଷ୍ଟ୍ରପତି କୋବିନ୍ଦ ସେମାନଙ୍କୁ ନିଜର ଶୁଭକାମନା ଜଣାଇଛନ୍ତି। ବର୍ତ୍ତମାନର ଦୁଃସମୟରେ ସମଗ୍ର ଦେଶବାସୀ ସହାୟତା ପାଇଁ ସେମାନଙ୍କ ସହିତ ଛିଡା ହୋଇଛନ୍ତି ବୋଲି ମୋଦୀ କହିଛନ୍ତି। କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଓ ବିଜେପି ଅଧ୍ୟକ୍ଷ ଅମିତ୍‍ ଶାହାଙ୍କ ସମେତ ଦେଶର ବହୁ ବିଶିଷ୍ଟ ରାଜନେତା ରାଜ୍ୟବାସୀଙ୍କୁ ସମସ୍ତ ପ୍ରକାର ସହଯୋଗ ଯୋଗାଇ ଦେବା ନିମନ୍ତେ ଏହି ପବିତ୍ର ଅବସରରେ ସମସ୍ତ ଦେଶବାସୀଙ୍କୁ ନିବେଦନ କରିଛନ୍ତି। ରାଜ୍ୟର ଏହି ଦୁର୍ଦିନରେ କେରଳବାସୀଙ୍କ ପ୍ରତି ବିଶେଷ ସମବେଦନା ପ୍ରକାଶ ପୂର୍ବକ ସହଯୋଗ କରିବାକୁ ମୁଖ୍ୟମନ୍ତ୍ରୀ ପିନାରାଇ ବିଜୟନ୍‍ ନିବେଦନ କରିଛନ୍ତି।

Comments
Loading...