ନବବିବାହିତ ଦମ୍ପତ୍ତି ଭଗବାନ ଶିବଙ୍କ ଦର୍ଶନ କରିବା ଅନୁଚିତ
ଶାସ୍ତ୍ରରେ ଭଗବାନ ଶିବଙ୍କ ବିଷୟରେ ଅନେକ କଥା ବର୍ଣ୍ଣନା କରାଯାଇଛି। ଭଗବାନ ଶିବଙ୍କୁ ଖୁବ୍ ଶକ୍ତିଶାଳୀ ବୋଲି କୁହାଯାଇଛି। ସେ ଯେଉଁ ଭକ୍ତଙ୍କ ଉପରେ ନିଜର କୃପା ରଖନ୍ତି ତାଙ୍କର କୌଣସି ଅନିଷ୍ଟ ହେବାକୁ ଦେଇ ନଥାଆନ୍ତି। ପ୍ରଭୁ ଶିବଙ୍କୁ ଭକ୍ତି ଓ ଶ୍ରଦ୍ଧାର ସହ ପୂଜା କରିବା ଦ୍ବାରା ଭକ୍ତଙ୍କର ସମସ୍ତ କଷ୍ଟ ଦୂର ହୋଇଥାଏ। କିନ୍ତୁ ବାସ୍ତୁଶାସ୍ତ୍ରରେ, ନବବିବାହିତ ଦମ୍ପତ୍ତିଙ୍କୁ ଭଗବାନ ଶିବଙ୍କର ଦର୍ଶନ କରିବାକୁ ବାରଣ କରାଯାଇଛି। ଏପରି କରିବା ଦ୍ବାରା ସେମାନଙ୍କ ପାଇଁ ଅଶୁଭ ଫଳ ସୃଷ୍ଟି ହୋଇଥାଏ। ଆସନ୍ତୁ ଜାଣିବା ଏପରି କ’ଣ ପାଇଁ କରାଯାଏ ..
ବାସ୍ତୁଶାସ୍ତ୍ର ଅନୁସାରେ, ଯଦି ନବବିବାହିତ ଦମ୍ପତ୍ତି ଭଗବାନ ଶିବଙ୍କ ଦର୍ଶନ କରନ୍ତି ତେବେ ତାଙ୍କର ସମ୍ପର୍କରେ ଅନେକ ଅସୁବିଧା ଦେଖା ଦେଇଥାଏ। ଏହାସହ ବିବାହ ପରେ କୌଣସି ନାରୀ ଗର୍ଭବତୀ ହୋଇଥିଲେ ଭଗବାନ ଶିବଙ୍କର ଦର୍ଶନ କରିବା ଅନୁଚିତ। କାରଣ ପ୍ରଭୁ ଶିବଙ୍କ ସହ ମାତା ପାର୍ବତୀଙ୍କର ଯେତେବେଳେ ବିବାହ ହୋଇଥିଲା ସେତେବେଳେ ଭଗବାନ ବୈରାଗୀ ଥିଲେ। ତେଣୁ ନବବିବାହିତ ଦମ୍ପତ୍ତି ଓ ଗର୍ଭବତୀ ନାରୀ ଶିବଙ୍କୁ ଦର୍ଶନ କରିବା ଅନୁଚିତ। ଏହାଦ୍ବାରା ଗର୍ଭସ୍ଥ ଶିଶୁ ବୈରାଗୀ ହେବାର ମଧ୍ୟ ସମ୍ଭାବନା ରହିଥାଏ।
କୁହାଯାଇଛି ଯେ, ନବବିବାହିତ ଦମ୍ପତ୍ତିଙ୍କୁ କୌଣସି ଧାର୍ମିକ ସ୍ଥଳକୁ ବୁଲିବାକୁ ଯିବାକୁ ବାରଣ କରାଯାଏ। ଶାସ୍ତ୍ର ଅନୁସାରେ, ଏହା ଅଶୁଭ ଅଟେ। ଯଦି ନବବିବାହିତ ଦମ୍ପତ୍ତି କୌଣସି ଧାର୍ମିକ ସ୍ଥଳକୁ ଯାଉଛନ୍ତି ଏବଂ ତାହା ପ୍ରଭୁ ଶିବଙ୍କ ସହ ଜଡିତ ତେବେ ଭୁଲରେ ଯାଆନ୍ତୁ ନାହିଁ। ଏହା ଆପଣଙ୍କ ସମ୍ପର୍କ ଉପରେ ଖରାପ ପ୍ରଭାବ ପକାଇଥାଏ।
ନବବିବାହିତ ବୋହୂ ଶିବ ଲିଙ୍ଗ ଛୁଇଁବା ଅନୁଚିତ। କିନ୍ତୁ ସେ ମାତା ପାର୍ବତୀଙ୍କ ପୂଜା କରିବା ଶୁଭ ବୋଲି କୁହାଯାଇଛି। ଏହାଦ୍ବାରା ତାଙ୍କ ଜୀବନ ସୁଖରେ ଅତିବାହିତ ହୋଇଥାଏ।