ବିବାଦର ଅନ୍ତ, କପିଳ ଶର୍ମାଙ୍କ ସହ ପୁଣି ନଜର ଆସିବେ ସୁନୀଲ ଗୋରଭର ଓରଫ ଗୁଲେଟି
ମୁମ୍ବଇ . – ଟେଲିଭିଜନ ଦୁନିଆର ପ୍ରସିଦ୍ଧ ହାସ୍ୟ ଅଭିନେତା କପିଲ ଶର୍ମାଙ୍କ ସହ ପୁଣି ସୁନୀଲ ଗୋରଭର ଓରଫ ଡକ୍ଟର ଗୁଲେଟି ନଜର ଆସିବେ । ଏକ ଟିଭି ହ୍ୟାସରସାତ୍ମକ ସିରିଏଲ୍ରେ ଏହି ଦୁଇଜଣ ନଜର ଆସିବେ । ବଲିଉଡ୍ ସୁପରଷ୍ଟାର ସଲମନ୍ ଖାନ୍ ଏହି ସିରିଏଲ୍କୁ ପ୍ରସ୍ତୁତ କରିଥିବା ସୂଚନା ମିଳିଛି । ସୁନୀଲ ଗୋରଭର ସଲମନ୍ ଖାନ୍ କହିବା ପରେ ସେ କପିଲଙ୍କ ସହ କାମ କରିବା ପାଇଁ ରାଜି ହୋଇଥିବା କହିଛନ୍ତି । ସୁନୀଲ , ସଲମନ୍ଙ୍କ ସହ ଏବେ ଏକ ସିନେମା ସୁଟିଂରେ ବ୍ୟସ୍ତ ଅଛନ୍ତି ।
ସୁନୀଲ ଗୋରଭର, ଅଲି ଅଜଗର ଓ ଉପାସନା ସିଂଙ୍କ ସହ ନିଜର ଏକ କମେଡି ସୋ କରୁଛନତି । ‘କାନପୁର କା ଖୁରାନାସ୍’ ନାମକ ଏକ ସିରିଏଲ୍ରେ ଏମାନେ ଏକାଠି ନଜର ଆସୁଛନ୍ତି । ସୂଚନା ଯୋଗ୍ୟ କମେଡି ନାଇଟସ୍ ଓ୍ୱିଥ୍ କପିଲ୍ର ଲୋକପ୍ରିୟତା ବୃଦ୍ଧି ପାଇବା ପରେ କପିଲ୍ ଶର୍ମା ଓ ସୁନୀଲ ଗୋରଭରଙ୍କ ମଧ୍ୟରେ ଦୂରତା ବୃଦ୍ଧି ପାଇଥିଲା । କପିଲ୍ ଶର୍ମା ବିମାନ ଭିତରେ ସୁନୀଲ ଗୋରଭଙ୍କୁ ଚାପୁଡା ମାରିବା ସହ ଖରାପ ବ୍ୟବହାର ଦେଖାଇଥିବା ଅଭିଯୋଗ ହୋଇଥିଲା । ଏହାପରେ ସୁନୀଲ୍ କପିଲ୍ଙ୍କ ସହ କାମ କରିବା ଛାଡି ଦେଇଥିଲେ । ପରେ କପିଲ୍ଙ୍କ ସୋ ଦେଖିବା ପାଇଁ ଦର୍ଶକ ଆଉ ପସନ୍ଦ କରି ନଥିଲେ । ଟିଆର୍ପି କମିବା ପରେ କପିଲ୍ଙ୍କ ସୋ ବନ୍ଦ ହୋଇଯ।ଇଥିଲା ।