ଶ୍ରୀନଗର : ଦୀର୍ଘ ୧୩ବର୍ଷ ପରେ ଜାମ୍ମୁ-କାଶ୍ମୀରରେ ପୌର ନିର୍ବାଚନ ଅନୁଷ୍ଠିତ ହୋଇଛି। ସୋମବାର ପ୍ରଥମ ପର୍ଯ୍ୟାୟ ପୌର ନିର୍ବାଚନ ପାଇଁ ଭୋଟ ଗ୍ରହଣ ହୋଇଥିବାବେଳେ ଏହା ଶାନ୍ତି ଶୃଙ୍ଖଳାର ସହ ଶେଷ ହୋଇଥିବା ଜଣାଯାଇଛି। ଶ୍ରୀନଗରର ଗୋଟିଏ ସ୍ଥାନରେ ପଥର ଫିଙ୍ଗା ହୋଇଥିବାବେଳେ ଅନ୍ୟ କୌଣସିଠାରେ ଅଘଟଣ ଘଟିନାହିଁ। ରାଜୌରି ଜିଲାରେ ସର୍ବାଧିକ ୬୦% ମତଦାନ ହୋଇଥିବାବେଳେ ପୁଞ୍ଚ ଜିଲାରେ ସର୍ବନିମ୍ନ ୫୨% ମତଦାନ ହୋଇଛି। ରାଜ୍ୟର ପୌର ନିର୍ବାଚନ ୪ଟି ପର୍ଯ୍ୟାୟରେ ହେବ। ଅକ୍ଟୋବର ୧୬ରେ ନିର୍ବାଚନ ଶେଷ ହେବ। ଅକ୍ଟୋବର ୨୦ରେ ଭୋଟ ଗଣତି ହେବ। ନ୍ୟାସନାଲ କନଫରେନ୍ସ ଓ ପିପୁଲ୍ସ ଡେମୋକ୍ରାଟିକ ପାର୍ଟି ଏହି ନିର୍ବାଚନକୁ ବର୍ଜନ କରିଛନ୍ତି।
