ଶପଥ ନେଲେ ଦୁଇ ବିଚାରପତି

0

କଟକ: ସୋମବାର ଓଡିଶା ହାଇକୋର୍ଟର ସମ୍ମିଳନୀ କକ୍ଷରେ ଦୁଇ ବିଚାରପତିଙ୍କ ଶପଥ ପାଠ ଉତ୍ସବ ଅନୁଷ୍ଠିତ ହୋଇଯାଇଛି । ଜଷ୍ଟିସ ଶତ୍ରୁଘ୍ନ ପୂଜାହାରୀ ଓ ଜଷ୍ଟିସ  ଅକ୍ଷୟ କୁମାର ମିଶ୍ରଙ୍କୁ ହାଇକୋର୍ଟ ମୁଖ୍ୟ ବିଚାରପତି ଜଷ୍ଟିସ କେ. ଏସ .ଜାଭେରୀ ପଦ ଓ ଗୋପନୀୟତାର ଶପଥପାଠ କରାଇଛନ୍ତି । ଦୁଇ ବିଚାରପତି ଯୋଗଦେବା ପରେ ହାଇକୋର୍ଟରେ ବିଚାରପତିଙ୍କ ସଂଖ୍ୟା ୧୪କୁ ବୃଦ୍ଧି ପାଇଛି । ଶପଥ ପାଠ ଉତ୍ସବରେ କଟକ ଜିଲ୍ଲାପାଳ ଅରବିନ୍ଦ ଅଗ୍ରୱାଲ, ପୁଲିସ କମିଶନର ସତ୍ୟଜିତ ମହାନ୍ତିଙ୍କ ସମେତ ହାଇକୋର୍ଟ ବରିଷ୍ଠ ବିଚାରପତି ମାନେ ଉପସ୍ଥିତ ରହିଥିଲେ।

ଜଷ୍ଟିସ ପୂଜାହାରୀ ୨୦୧୩ ନଭେମ୍ବର ୨୯ରୁ ୨୦୧୭ ନଭେମ୍ବର ୨୨ ତାରିଖ ଯାଏଁ ଓଡିଶା ହାଇକୋର୍ଟରେ କାମ କରିଥିଲେ । ଏହା ପରେ ତାଙ୍କର ମାଡ୍ରାସ ହାଇକୋର୍ଟକୁ ବଦଳି ହୋଇଥିଲା । ସେହିପରି  ଓଡିଶା ହାଇକୋର୍ଟର ରେଜିଷ୍ଟ୍ରାର ଜେନେରାଲ ଡକ୍ଟର ଅକ୍ଷୟ ମିଶ୍ର ଶନିବାର ଓଡିଶା ହାଇକୋର୍ଟ ବିଚାରପତି ଭାବେ ରାଷ୍ଟ୍ରପତିଙ୍କ ଦ୍ୱାରା ମନୋନୀତ ହୋଇଥିଲେ । ଆଜି ଅପରାହ୍ନରେ ଜଷ୍ଟିସ ସୁଜିତ ନାରାୟଣ ପ୍ରସାଦଙ୍କୁ ବିଦାୟକାଳୀନ ସମ୍ବର୍ଦ୍ଧନା ଦିଆଯିବ । ତାଙ୍କର ଝାଡଖଣ୍ଡ ହାଇକୋର୍ଟକୁ ବଦଳି ହୋଇଛି ।

Comments
Loading...