ଓଡିଶା କୃଷକ ସଭା ପକ୍ଷରୁ ଶୋଭାଯାତ୍ରା

0

ମୋହନା : ଗଜପତି ଜିଲ୍ଲା ମୋହନାରେ ଓଡିଶା କୃଷକ ସଭା ମୋହନା ଆଞ୍ଚଳିକ କମିଟି ପକ୍ଷରୁ ୫ ଦଫା ଦାବି ନେଇ ଶୋଭାଯାତ୍ରା କରାଯାଇଛି।  ଜିଲ୍ଲା କମିଟି ସଦସ୍ୟ ମାନସ ଜେନାଙ୍କ ନେତୃତ୍ୱରେ ସ୍ଥାନୀୟ ହାଇସ୍କୁଲ ଛକରୁ ଶୋଭାଯାତ୍ରା ବାହାରି ତହସିଲ କାର୍ଯ୍ୟାଳୟରେ ପହଞ୍ଚି ଥିଲେ। ସେଠାରେ ବିକ୍ଷୋଭ ପ୍ରଦର୍ଶନ ସହ ତହସିଲଦାର ସିମାଂଚଳ ମଣ୍ଡଳଙ୍କୁ ଦାବିପତ୍ର ପ୍ରଦାନ କରିଛନ୍ତି। ବିଶେଷ କରି କୃଷକ ଓ କୃଷି ଶ୍ରମିକମାନଙ୍କୁ ଋଣ ବୋଝରୁ ମୁକ୍ତ, ସ୍ୱାମୀ ନାଥନ କମିଶନଙ୍କ ସୁପାରିଶ ଅନୁଯାୟୀ ସମସ୍ତ କୃଷିଯାତ ଦ୍ରବ୍ୟର ସର୍ବନିମ୍ନ ସହାୟକ ମୂଲ୍ୟ ଦେଢ ଗୁଣ କରାଯିବା ପାଇଁ ଦାବି କରିଛନ୍ତି। ଏଥିସହ କୃଷି ଉତ୍ପାଦନ ସମ୍ପର୍କୀୟ ବିନିଯୋଗ ହ୍ରାସ ପାଇଁ କୀଟନାଶକ ଓ କୃଷି ଯନ୍ତ୍ରପାତି ତଥା କୃଷି ଉପକରଣ ଉପରେ ରିଆତି ବୃଦ୍ଧି କରିବା ଓ ପ୍ରକୃତ କୃଷକଙ୍କ ନାମରେ ଜମି ଜମାର ରେକର୍ଡ କରାଯାଇ ତୁରନ୍ତ ପଟ୍ଟା ପ୍ରଦାନ ସହ ଜଙ୍ଗଲ ଜମି ଅଧିକାର ଆଇନ ୨୦୦୬କୁ ତୁରନ୍ତ କାର୍ଯ୍ୟକାରୀ କରାଯିବାକୁ ଦାବି କରିଛନ୍ତି । ଏହି ଶୋଭାଯାତ୍ରାରେ ତ୍ରୀନାଥ ରଇତଙ୍କ ସହିତ ବହୁ ମହିଳା/ପୁରୁଷ ଯୋଗ ଦେଇଥିଲେ।

Comments
Loading...