ଫୋର୍ବସ ଇଣ୍ଡିଆ ସର୍ବାଧିକ ଆୟ ତାଲିକାର ଶୀର୍ଷ ପାଞ୍ଚଜଣଙ୍କ ମଧ୍ୟରେ ଅଭିନେତ୍ରୀ ଦୀପିକା ପାଦୁକନ!
ନୂଆଦିଲ୍ଲୀ . – ଭାରତ ସର୍ବାଧିକ ରୋଜଗାର କରୁଥିବା ପ୍ରତିଷ୍ଠିତ ବ୍ୟକ୍ତିମାନଙ୍କର ଶୀର୍ଷ ୫ ଜଣଙ୍କ ମଧ୍ୟରେ ବଲିଉଡ୍ ଅଭିନେତ୍ରୀ ଦୀପିକା ପାଦୁକନ ସ୍ଥାନ ପାଇଛନ୍ତି । ଫୋର୍ବସ ଇଣ୍ଡିଆ ପକ୍ଷରୁ ପ୍ରକାଶିତ ତାଲିକାର ଶୀର୍ଷ ୫ ଜଣଙ୍କ ମଧ୍ୟରେ ଦୀପିକାଙ୍କ ନାମ ସ୍ଥାନ ପାଇଛି । ପ୍ରଥମ ମହିଳାଭାବେ ଦୀପିକାଙ୍କ ନାମ ଏଥିରେ ସ୍ଥାନ ପାଇଛି । ଦୀପିକା ଏହାର ଚତୁର୍ଥସ୍ଥାନରେ ଅଛନ୍ତି । ଚଳିତଥର ତାଲିକାରେ ୧୮ ଜଣ ମହିଳା ସ୍ଥାନ ପାଇଛନ୍ତି । ଦୀପିକା ୧୧୨.୮ କୋଟି ଟଙ୍କା ଆୟ କରିଥିବା ଏଥିରେ ଦର୍ଶାଯାଇଛି । ଏହି ତାଲିକାରେ ଆଲିଆ ଭଟ୍ଟ, ପ୍ରିୟଙ୍କା ଚୋପ୍ରାଙ୍କ ନାମ ବି ରହିଛି ।
ପ୍ରତିଷ୍ଠିତ ବ୍ୟକ୍ତି ବା ସେଲିବ୍ରେଟିଙ୍କର ଆୟ ତାଲିକାର ଅଷ୍ଟମସ୍ଥାନରେ ଦୀପିକାଙ୍କର ସ୍ୱାମୀ ରଣବୀର ସିଂ ଅଛନ୍ତି । ତାଙ୍କର ଆୟ ୮୪.୬୭ କୋଟି ଟଙ୍କା ରହିଛି । ସେହିପରି ଅଜୟଦେବଗନ ଏହାର ଦଶମ ସ୍ଥାନରେ ରହିଛନ୍ତି । ତାଙ୍କର ଆୟ ୭୪.୫ କୋଟି ଟଙ୍କା । ଶ୍ରେଷ୍ଠ ୧୦୦ ଜଣ ପ୍ରତିଷ୍ଠିତ ବ୍ୟକ୍ତିଙ୍କର ଆୟ ତାଲିକାରେ ଅନୁଷ୍କା ଶର୍ମା, କାଟ୍ରିନା କୈଫ, ପିଭି ସିନ୍ଧୁ ଓ ସାଇନା ନେହଓ୍ୱାଲ୍ ସ୍ଥାନ ପାଇଛନ୍ତି ।
ତୃତୀୟଥର ପାଇଁ ସଲମାନ ଖାନ ଶ୍ରେଷ୍ଠସ୍ଥାନ ବଜାୟ ରଖିଛନ୍ତି । ସଲମାନଙ୍କ ଆୟ ୨୫୩.୨୫ କୋଟି ଟଙ୍କା ରହିଛି । ବିରାଟ କୋହଲୀ ଦ୍ୱିତୀୟସ୍ଥାନରେ ରହିଛନ୍ତି ।