ଭୁବନେଶ୍ୱର . – ପିପିଲି ପୀଡିତାଙ୍କ ପରିବାର ଲୋକଙ୍କୁ ଭେଟିବା ପରେ ଶାସକ ଦଳର କିଛି ସମର୍ଥକ ତାଙ୍କ ଧମକ ଦେଇଥିବା କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଅଭିଯୋଗ କରିଛନ୍ତି । ସେ ପୀଡିତାଙ୍କ ପରିବାର ଲୋକଙ୍କୁ ଭେଟି ଫେରୁଥିବା ବେଳେ ଦୟା ନଦୀ ନିକଟରେ କିଛି ଲୋକ ତମେ ପୀଡିତାଙ୍କ ପରିବାର ଲୋକଙ୍କୁ କେତେଦିନ ସୁରକ୍ଷା ଦେବ ଆମେ ଦେଖିବୁ କହିବା ସହ, ଆମେ ପୁଣି ଜିତି ଶାସନ କରିବୁ ବୋଲି କହିଥିବା ସେ ପ୍ରକାଶ କରିଛନ୍ତି । ଭୁବନେଶ୍ୱର ବିଜେପି କାର୍ଯ୍ୟାଳୟରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ସେ ଏହି ସୂଚନା ଦେଇଛନ୍ତି । ଏହାସହ ପୀଡିତାଙ୍କ ପରିବାର ଲୋକ ଏହି ଘଟଣା ସିବିଆଇ ତଦନ୍ତ ଚାହୁଁଥିବା କଥା ସେ ପ୍ରକାଶ କରିଛନ୍ତି ।
ଏହି ସାମ୍ବାଦିକ ସମ୍ମିଳନୀ ବେଳେ ସେ ପୀଡାତାଙ୍କ ମାଆଙ୍କର ଏକ ଅଡିଓ ଟେପ୍କୁ ଶୁଣାଇଥିଲେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓଡ଼ିଶା ଗସ୍ତ ସମୟରେ ଏହି ପ୍ରସଙ୍ଗ ଉଠାଇଥିଲେ । ଏହାପରେ ସେ ପୀଡିତାଙ୍କ ପରିବାର ଲୋକଙ୍କୁ ଭେଟିଛନ୍ତି । ଏହି ଘଟଣାପରେ ସେ ଓଡ଼ିଶାର ପୁଲିସ ମହାନିର୍ଦେଶକ, ଆଇଜି ଓ ପୁରୀର ଏସ୍ପିଙ୍କୁ ଯୋଗଯୋଗ କରିବା ପାଇଁ ଚେଷ୍ଟା କରିଥିଲେ ମଧ୍ୟ ଯୋଗା ଯୋଗ କରିବା ସମ୍ଭବ ହୋଇ ନ ଥିବା ସେ ପ୍ରକାଶ କରିଛନ୍ତି ।
ସୂଚନା ଯୋଗ୍ୟ ପିପିଲି ପ୍ରସଙ୍ଗରେ ରାଜ୍ୟର କୃଷିମନ୍ତ୍ରୀ ପ୍ରଦୀପ ମହାରଥୀ ରବିବାରରେ ଇସ୍ତଫା ପ୍ରଦାନ କରିଛନ୍ତି ।