ପ୍ରଥମ ରିସେପ୍ସନ ପାର୍ଟିରେ ଦୀପ-ବୀରଙ୍କ ନିଆରା ଲୁକ୍

0

ନବଦମ୍ପତ୍ତି ଦୀପିକା ପାଦୁକୋନ୍ ଏବଂ ରଣବୀର୍ ସିଂହଙ୍କ ରିସେପ୍ସନ ପାର୍ଟି ଗତକାଲି ବେଙ୍ଗାଲୁରରେ ଅନୁଷ୍ଠିତ ହୋଇଯାଇଛି । ଦୀପିକାଙ୍କ ପରିବାର ପକ୍ଷରୁ ଷ୍ଟାର ହୋଟେଲ ଲୀଲା ପ୍ୟାଲେସରେ ଏକ ରିସେପ୍ସନ ପାର୍ଟି ଆୟୋଜନ କରାଯାଇଥିଲା । ଏହି ପାର୍ଟିରେ ବଲିଉଡ କଳାକାରମାନଙ୍କୁ ଦେଖିବାକୁ ମିଳିନଥିବା ବେଳେ କେତେକ କ୍ରିକେଟ ଷ୍ଟାର ଏବଂ ଖେଳ ଜଗତର ଅନେକ ନାମୀଦାମୀ ଖେଳାଳୀଙ୍କୁ ଏଥିରେ ଦେଖିବାକୁ ମିଳିଥିଲା ।

ପ୍ରଥମ ରିସେପ୍ସନ ପାର୍ଟିରେ ଉଭୟ ନିଆରା ଲୁକରେ ନଜର ଆସିଥିଲେ । ରଣବୀର୍ କଳା ରଙ୍ଗର ଡିଜାଇନ୍ ଶେରୱାନୀ ପିନ୍ଧିଥିବା ବେଳେ ସୁନେଲୀ ରଙ୍ଗର ଶାଢୀ, ମଥାରେ ସିନ୍ଦୁର ଓ ଗଜରାରେ ଖୁବ୍ ସୁନ୍ଦର ନଜର ଆସିଥିଲେ ଦୀପିକା ।

ପ୍ରଥମ ରିସେପ୍ସନ ପରେ ଏବେ ଅନ୍ୟ ଦୁଇଟି ରିସେପ୍ସନକୁ ନେଇ ଉଭୟ ବ୍ୟସ୍ତ ଅଛନ୍ତି । ମୁମ୍ବାଇରେ ଆସନ୍ତା ୨୮ ଏବଂ ଡିସେମ୍ବର ୧ ରେ ଅନ୍ୟ ଦୁଇଟି ରିସେପ୍ସନ ପାର୍ଟି ଅନୁଷ୍ଠିତ ହେବ । ଏଥିରେ ବଲିଉଡର କଳାକାରମାନଙ୍କୁ ନିମନ୍ତ୍ରଣ କରାଯାଇଥିବା ଶୁଣିବାକୁ ମିଳିଛି ।

Comments
Loading...