ମୁଗ ଡାଲିର ଉପକାରିତା

0

ଆମ ଓଡ଼ିଶାର ଗାଁଗହଳିରେ ମୁଗ ଡାଲିର ଆଦର ବିଶେଷ ଭାବେ ଦେଖାଯାଏ। ଉତ୍ତର ଭାରତରେ ମଧ୍ୟ ଏହା ଏକ ପ୍ରମୁଖ ବ୍ୟଞ୍ଜନ ଭାବେ ପରଷାଯାଏ। ବିଭିନ୍ନ ପ୍ରଜାତିର ଡାଲି ମଧ୍ୟରେ ‘ମୁଗ ଡାଲି’କୁ ଡାଲିମାନଙ୍କର ରାଣୀର ନାମ ଦିଆଯାଇଛି। ଖାଦ୍ୟ ବିଶେଷଜ୍ଞଙ୍କ ମତରେ ପ୍ରତ୍ୟହ କରି ୧୦ଦିନ ଏହି ମୁଗ ଡାଲି ଖାଇବା ସ୍ବାସ୍ଥ୍ୟ ଉପରେ ଖୁବ୍ ଭଲ ପ୍ରଭାବ ପକାଏ।

ପ୍ରୋଟିନ୍ ଓ ଫ୍ଲାବୋନୋଏଡସ୍ ଭରପୂର ମୁଗ ଡାଲି ମଧୁମେହ ରୋଗୀ ଦ୍ବିପହର ଭୋଜନରେ ଖାଇବା ସେମାନଙ୍କ ସ୍ବାସ୍ଥ୍ୟ ପାଇଁ ଖୁବ୍ ଉପକାରୀ।
ଏହି ଡାଲିରେ ଆଲକାଲାଇନ୍, କ୍ୟାଲସିୟମ୍, ମ୍ୟାଗ୍ନେସିୟମ୍, ପୋଟାସିୟମ୍ ଓ ସୋଡିୟମ୍ ପରି ପୋଷକତତ୍ତ୍ବ ଭରପୂର ରହିଛି। ଧ୍ୟାନରେ ରଖିବେ ମୁଗ ଡାଲି ଖାଇବା ସମୟରେ ଖିର, ଦହି ଓ ଛେନା ଇତ୍ୟାଦି ଖାଇବା ସ୍ବାସ୍ଥ୍ୟ ପାଇଁ ହିତକର ନୁହେଁ।

ମୁଗ ଡାଲି ଖାଇଲେ ତାହା ଶରୀରକୁ ପ୍ରଚୁର ପରିମାଣରେ ଶକ୍ତି ଯୋଗାଇଥାଏ। ଗର୍ଭବତୀ ମହିଳା ମୁଗ ଡାଲି ଖାଇବା ଉତ୍ତମ ହୋଇଥିବାବେଳେ ବିିଶେଷଜ୍ଞଙ୍କ ପରାମର୍ଶରେ ୮-୯ ମାସର ଶିଶୁକୁ ଅଳ୍ପ ପରିମାଣରେ ମୁଗ ଡାଲି ସିଝା ପାଣି ପିଇବା ଉଚିତ।

ଏହା ଏକମାତ୍ର ଡାଲି ଯାହାକୁ ଫ୍ରିଜ୍‌ରେ ରଖି ପରେ ଖାଇଲେ ତାହାର ପୋଷକତତ୍ତ୍ବ ଅଧିକ ପରିମାଣରେ ବଢ଼ିଥାଏ ବୋଲି ଖାଦ୍ୟ ବିଶେଷଜ୍ଞ ରୁଜୁତା ଦିୱେକର କହିଛନ୍ତି।

ନିୟମିତ ମୁଗ ଡାଲି ଖାଇଲେ ଶରୀରର ହଜମ ଶକ୍ତି ବଢ଼ାଇଥାଏ।

Comments
Loading...