ପ୍ରତିବର୍ଷ ଡିସେମ୍ବର ୨୫ ତାରିଖକୁ ଯୀଶୁଖ୍ରୀଷ୍ଟଙ୍କ ଜନ୍ମ ଦିବସ ରୂପେ ପାଳନ କରାଯାଏ । ଏହା ଖ୍ରୀଷ୍ଟ ଧର୍ମାଲମ୍ବୀଙ୍କ ସବୁଠାରୁ ବଡ ପର୍ବ । ଏହି ଦିନରେ ଖ୍ରୀଷ୍ଟମାସ୍ ଟ୍ରି ର ବିଶେଷ ମହତ୍ତ୍ବ ରହିଥାଏ । ବହୁ ପୁରାତନ କାଳରୁ ଏହି ଅବସରରେ ଖ୍ରୀଷ୍ଟମାସ ଟ୍ରି କୁ ବିଶେଷ ଭାବରେ ସଜାଯାଏ । ଖ୍ରୀଷ୍ଟମାସ୍ ଟ୍ରି କୁ ନେଇ ଅନେକ ବିଶ୍ବାସ ମଧ୍ୟ ରହିଛି । ମାନ୍ୟତା ଅନୁଯାୟୀ, ଖ୍ରୀଷ୍ଟମାସ ଟ୍ରି ଘରକୁ ଆଣିବା ଏବଂ ସଜାଇବା ଦ୍ବାରା ବାସ୍ତୁଦୋଷ ଦୂର ହୋଇଥାଏ ।
୧. ଖ୍ରୀଷ୍ଟମାସ୍ ଅବସରରେ ଘରେ ଖ୍ରୀଷ୍ଟମାସ ଟ୍ରି ଅବଶ୍ୟ ଆଣନ୍ତୁ ଏବଂ ଏହାକୁ ଭଲ ଭାବରେ ସଜାନ୍ତୁ । ମାନ୍ୟତା ଅନୁଯାୟୀ ଖ୍ରୀଷ୍ଟମାସ ଟ୍ରି କୁ ସଜାଇବା ଦ୍ବାରା ଭାଗ୍ୟ ସାଥ୍ ଦେବା ସହ ଘରୁ ନକାରାତ୍ମକ ଶକ୍ତି ଦୂର ହୋଇଥାଏ ।
୨. ତ୍ରିକୋଣ ଆକାର ବିଶିଷ୍ଟ ଖ୍ରୀଷ୍ଟମାସ ଟ୍ରି ଅଗ୍ନି ଦେବତାଙ୍କ ପ୍ରତୀକ ଏବଂ ଧରା ପୃଷ୍ଠରେ ଅଗ୍ନି ଦେବତା ସବୁ ବସ୍ତୁକୁ ଜୀବନ ଦାନ କରିବାକୁ ସକ୍ଷମ ବୋଲି ବିଶ୍ବାସ ରହିଛି ।
୩. ମାନ୍ୟତା ଅନୁଯାୟୀ ଘରେ ଖ୍ରୀଷ୍ଟମାସ ଟ୍ରି ଆଣିବା ଦ୍ବାରା ଜୀବନରୁ ସବୁ ପ୍ରକାର ଦୁଶ୍ଚିନ୍ତା ଦୂର ହୋଇଥାଏ ।
୪. ଖ୍ରୀଷ୍ଟମାସ ଟ୍ରି କୁ ସଜାଇବା ବେଳେ ସେଥିରେ ଷ୍ଟାର ବା ତାରକା ବ୍ୟବହାର କରାଯାଏ । ଏପରି କରିବା ଦ୍ବାରା ଜୀବନରୁ ଅନ୍ଧାର ଦୂର ହୋଇ ମନରେ ଆଲୋକର ଆଶା ସଞ୍ଚାର ହୋଇଥାଏ ବୋଲି ବିଶ୍ବାସ କରାଯାଏ ।
୫. ଖ୍ରୀଷ୍ଟମାସ ଟ୍ରି ଉପରେ ଲଗାଯାଉ ଥିବା ଛୋଟ ଛୋଟ ସାନ୍ତାକ୍ଳଜ୍ ଏହା ସୂଚାଇ ଥାଏ ଯେ, ଜୀବନରେ ଛୋଟ ଛୋଟ ବସ୍ତୁରୁ ଆମକୁ ଅନେକ ଖୁସୀ ମିଳିଥାଏ ।
୬. ଖ୍ରୀଷ୍ଟମାସ ଟ୍ରି ଉପରେ ଲାଗିଥିବା ରଙ୍ଗ ବେରଙ୍ଗ ଉପହାର ବା ଗିଫ୍ଟ ବକ୍ସ ଘରେ ଖୁସୀର ବାତାବରଣ ଏବଂ ସକାରାତ୍ମକ ଶକ୍ତି ଜାଗ୍ରତ କରାଇଥାଏ ।
ଆଲେଖ୍ୟ: ବୈଜୟନ୍ତୀ ନାୟକ