ରିଲିଜ୍‍ ହେଲା ‘ଭୈୟାଜୀ ସୁପର୍‍ହିଟ୍‍’ର ଟ୍ରେଲର

0

ମୁମ୍ବଇ : ନିକଟରେ ସନୀ ଦେଓଲଙ୍କ ଚଳଚ୍ଚିତ୍ର ‘ଭୈୟାଜୀ ସୁପର୍‍ହିଟ୍‍’ ର ଟ୍ରେଲର୍‍ ରିଲିଜ୍‍ ହୋଇଯାଇଛି। ଏଥିରେ ସନୀ କମେଡ଼ି କରୁଥିବାର ନଜର ଆସିଛନ୍ତି। ଏହି ଚଳଚ୍ଚିତ୍ରରେ ସନୀଙ୍କ ବିପକ୍ଷରେ ଦୁଇ ଜଣ ନାୟିକା ଅଛନ୍ତି, ଜଣେ ପ୍ରୀତି ଜିଣ୍ଟା ଓ ଅନ୍ୟଜଣେ ଅମୀଷା ପଟେଲ। ତେବେ ପ୍ରୀତି ଜିଣ୍ଟା ଓ ଅମୀଷା ପଟେଲଙ୍କୁ ଏହି ଚଳଚ୍ଚିତ୍ର ମାଧ୍ୟମରେ ଦୀର୍ଘଦିନର ବିରତି ପରେ ବଡ଼ ପରଦାରେ ଦେଖିବାକୁ ମିଳିବ। ଚଳଚ୍ଚିତ୍ରରେ ଭରପୂର ମାତ୍ରାରେ କମେଡ଼ିର ଖୋରାକ ଯୋଗାଇବା ପାଇଁ ଅରଶଦ୍‍ ୱାର୍ସି ଓ ଶ୍ରେୟସ ତଲପଡ଼େ ମଧ୍ୟ ନଜର ଆସିବେ।

ଚଳଚ୍ଚିତ୍ରର କାହାଣୀ ବିଷୟରେ କହିବାକୁ ଗଲେ, ଏଥିରେ ସନୀ ଦେଓଲ ୟୁପି ର ଡନ୍‍ ଭୂମିକା ଗ୍ରହଣ କରିଛନ୍ତି ଓ ତାଙ୍କ ନାମ ରହିଛି ଭୈୟା ଜୀ। ଅପର ପକ୍ଷରେ ତାଙ୍କ ପତ୍ନୀ ସାଜିଛନ୍ତି ପ୍ରୀତି ଜିଣ୍ଟା। ସନୀଙ୍କୁ ଏକ ଚଳଚ୍ଚିତ୍ରର ମୁଖ୍ୟ ଚରିତ୍ରରେ ଅଭିନୟ କରିବାର ସୁଯୋଗ ଦିଆଯାଉଛି ଓ ସେଠାରେ ସେହି ଚଳଚ୍ଚିତ୍ରର ନାୟିକା ସାଜିଥିବା ଅମୀଷା ପଟେଲଙ୍କ ସହ ତାଙ୍କ ସମ୍ପର୍କ ଘନିଷ୍ଠ ହୋଇ ଉଠିଛି। ଏହି କାରଣରୁ ପତି-ପତ୍ନୀଙ୍କ ସମ୍ପର୍କରେ ଫାଟ ମଧ୍ୟ ସୃଷ୍ଟି ହେଉଛି। ତା’ପରେ ଖଳନାୟକର ଏଣ୍ଟ୍ରି ହେଉଛି, ଯାହାଙ୍କ ନାମ ହେଉଛି ହେଲିକପ୍ଟର ଭୈୟା। ମଝିରେ କାହାଣୀ ଏକ ଅଲଗା ମୋଡ଼ ମଧ୍ୟ ନେଇଛି। ଚଳଚ୍ଚିତ୍ରରେ ଦୁଇ ଦୁଇଟି ସନୀ ଦେଓଲଙ୍କୁ ଦେଖିବାକୁ ମିଳିବ।

ତେବେ ଏହି ଚଳଚ୍ଚିତ୍ରର ନିର୍ଦ୍ଦେଶନା ଭାର ନୀରଜ ପାଠକ ବହନ କରିଛନ୍ତି। ୨୩ ନଭେମ୍ବରରେ ଏହା ମୁକ୍ତିଲାଭ କରିବ।

Comments
Loading...