ରାତିରେ ଶୋଇବା ବେଳେ ଆମେ ଅନେକ ପ୍ରକାର ସ୍ୱପ୍ନ ଦେଖିଥାଉ। କିଛି ସ୍ୱପ୍ନ ଭଲ ହୋଇଥାଏ ତ କିଛି ଖରାପ ହୋଇଥାଏ। ଜ୍ୟୋତିଷ ଶାସ୍ତ୍ରରେ ଏହି ସ୍ୱପ୍ନର ସମ୍ପର୍କ ଆମ ଜନ୍ମ କୁଣ୍ଡଳୀରେ ଥିବା ଖରାପ ସମୟକୁ ସୂଚାଇ ଥାଏ। ଜନ୍ମ କୁଣ୍ଡଳୀରେ ସୂର୍ଯ୍ୟଙ୍କ ଦଶା ଖରାପ ଥିଲେ ଏପରି ସ୍ୱପ୍ନ ଆସିଥାଏ। କୁଣ୍ଡଳୀରେ ସୂର୍ଯ୍ୟଙ୍କ ଦଶା ଖରାପ ଥିଲେ ବ୍ୟକ୍ତି ବାରମ୍ବାର ବିଚିତ୍ର ସ୍ୱପ୍ନ ଦେଖିଥାଏ।
ଜ୍ୟୋତିଷ ଶାସ୍ତ୍ର ଅନୁସାରେ, ସୂର୍ଯ୍ୟଙ୍କ ମହାଦଶା ଖରାପ ଥିଲେ ଏହାକୁ ଭଲ କରିବା ପାଇଁ ଅନେକ ଉପାୟ ରହିଛି। ସୂର୍ଯ୍ୟଙ୍କୁ ପ୍ରାତଃ ସମୟରେ ଜଳ ଅର୍ପଣ ଓ ସୂର୍ଯ୍ୟ ମନ୍ତ୍ର ଜପ କରିବା ଦ୍ୱାରା କୁଣ୍ଡଳୀରେ ସୂର୍ଯ୍ୟଙ୍କ ଦଶା ମଜଭୂତ ହୋଇଥାଏ। ପ୍ରତ୍ୟେକ ରବିବାର ଦିନ ସୂର୍ଯ୍ୟଙ୍କୁ ପ୍ରସନ୍ନ କରିବା ପାଇଁ ଜଳ ଅର୍ପଣ କରିବା ଆବଶ୍ୟକ ଅଟେ। ଏହାଦ୍ୱାରା ଜନ୍ମ କୁଣ୍ଡଳୀରେ ସମସ୍ତ ଗ୍ରହ ଶାନ୍ତ ରହିବା ସହ କାର୍ଯ୍ୟରେ ସଫଳତା ପ୍ରାପ୍ତି ହୋଇଥାଏ।
ସୂର୍ଯ୍ୟଙ୍କ ବ୍ୟତୀତ କୁଣ୍ଡଳୀରେ ବୁଧ ଗ୍ରହ ଦଶା ଖରାପ ଥିଲେ ମଧ୍ୟ ଦୁଃସ୍ୱପ୍ନ ଆସିଥାଏ। ବୁଧ ଗ୍ରହ ଦଶା ଖରାପ ହେବା ଦ୍ୱାରା ଅନେକ କାର୍ଯ୍ୟରେ ବାଧା ହେବା ସହ ଚାକିରୀ କ୍ଷେତ୍ରରେ ସମସ୍ୟା ସୃଷ୍ଟି ହୋଇଥାଏ। ବୁଧ ଗ୍ରହର ପ୍ରଭାବରେ ଦୁର୍ଘଟଣା ଘଟିବା ପରି ସ୍ୱପ୍ନ ଆସିଥାଏ। ମଙ୍ଗଳ ଗ୍ରହ ଦଶା ଥିଲେ ବ୍ୟକ୍ତିର ମୃତ୍ୟୁ ଓ ଅନେକ ଅଘଟଣ ସୃଷ୍ଟି ହେବାର ସ୍ୱପ୍ନ ଆସିଥାଏ। ଅନେକ ଭୟାନକ ସ୍ୱପ୍ନ ଆସିଥାଏ।
