ହସ୍ପିଟାଲରେ ଗୁଳି ବର୍ଷଣ; ଆକ୍ରମଣକାରୀଙ୍କ ସମେତ ୪ ମୃତ

0

ଚିକାଗୋ: ଆମେରିକାର ଚିକାଗୋ ସହରରେ ଥିବା ଏକ ହସ୍ପିଟାଲରେ ଗୁଳିବର୍ଷଣ ହୋଇଛି । ଏଥିରେ ଜଣେ ଆକ୍ରମଣକାରୀଙ୍କ ସମେତ ଚାରି ଜଣଙ୍କର ମୃତ୍ୟୁ ହୋଇଛି । ମୃତକଙ୍କ ମଧ୍ୟରେ ଜଣେ ଡାକ୍ତର, ହସ୍ପିଟାଲର ଜଣେ କର୍ମଚାରୀଙ୍କ ସମେତ ଜଣେ ପୁଲିସ କର୍ମୀ ରହିଛନ୍ତି । ଏହି ଆକ୍ରମଣରେ ହସ୍ପିଟାଲର ଜଣେ କର୍ମୀ ଆହତ ହୋଇଥିବା ଜଣାପଡିଛି । ଏହି ଅଘଟଣାଟି ସୋମବାର ଚିକାଗୋ ସହରର ମର୍ସି ହସ୍ପିଟାଲରେ ଘଟିଛି ।

ପୁଲିସ ସୂଚନା ଅନୁଯାୟୀ, ଆକ୍ରମଣକାରୀଙ୍କ ଗୁଳିରେ ପ୍ରାଣ ହରାଇଥିବା ଡାକ୍ତରଙ୍କୁ ସେମାନେ ପୂର୍ବରୁ ଜାଣିଥିଲେ । ଆକ୍ରମଣକାରୀଙ୍କ ଗୁଳି ବର୍ଷଣ ଶବ୍ଦରେ ହସ୍ପିଟାଲରେ ଥିବା ରୋଗୀ ଓ ସେମାନଙ୍କ ସମ୍ପକୀୟ ଭୟଭୀତ ହେବା ସହ ହାତ ଉପରକୁ ଟେକି ଦେଇଥିଲେ । ଏହି ସମୟରେ ହସ୍ପିଟାଲରେ ଜଣେ କର୍ମଚାରୀଙ୍କ ଦେହରେ ଗୁଳି ବାଜିଥିଲା ଏବଂ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିଲା। ହସ୍ପିଟାଲରେ ଥିବା ରୋଗୀ ଓ ଅନ୍ୟମାନଙ୍କୁ ବଞ୍ଚାଇବାକୁ ଉଦ୍ୟମ କରୁଥିବା ବେଳେ ଆକ୍ରମଣକାରୀଙ୍କ ଗୁଳିରେ ଜଣେ ପୁଲିସ ଅଧିକାରୀଙ୍କ ପ୍ରାଣହାନି ହୋଇଛି । ଗୁଳି ବର୍ଷଣ ସମୟରେ ଜଣେ ଆକ୍ରମଣକାରୀଙ୍କ ମଧ୍ୟ ମୃତ୍ୟୁ ଘଟିଛି । କିନ୍ତୁ ମୃତ ଆକ୍ରମଣକାରୀଙ୍କ ଦେହରେ ପୁଲିସ ଗୁଳି ବାଜିଛି କିମ୍ବା ଆକ୍ରମଣକାରୀଙ୍କ ଗୁଳି ବାଜି ମୃତ୍ୟୁ ଘଟିଛି ତାହା ସ୍ପଷ୍ଟ ହୋଇନାହିଁ । ମୃତ ଆକ୍ରମଣକାରୀଙ୍କ ପରିଚୟ ଏପର୍ଯ୍ୟନ୍ତ ମିଳିନଥିବା ଅଧିକାରୀ ସୂଚନା ଦେଇଛନ୍ତି । ଏହି ଘଟଣାରେ ଅନ୍ୟ ଜଣେ ପୁଲିସ କର୍ମୀ ଆହତ ହୋଇଥିବା ଜଣାପଡିଛି ।

ସେହିପରି କୋଲାରଡୋ ର ଡେନଭରରେ ମଧ୍ୟ ଏଭଳି ଘଟଣା ଘଟିଛି । ରାସ୍ତ ଉପରେ ଆକ୍ରମଣକାରୀମାନେ ଗୁଳି ବର୍ଷଣ କରିଛନ୍ତି । ଏଥିରେ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଥିବା ବେଳେ ୩ ଜଣ ଆହତ ହୋଇଛନ୍ତି । ପରେ ଜଣେ ସନ୍ଦିଗ୍ଧ ଆକ୍ରମକାରୀ ଧରାପଡିଥିବା ସୂଚନା ମିଳିଛି ।

Comments
Loading...