ରାଫେଲ୍‌ ଚୁକ୍ତିକୁ ନେଇ ଅମିତ ଶାହଙ୍କ ପ୍ରଶ୍ନ – କ’ଣ କମିଶନ ପାଇଁ କଂଗ୍ରେସ ଏହି ଚୁକ୍ତିକୁ ରୋକିଥିଲା !

0

ନୂଆଦିଲ୍ଲୀ . – ରାଫେଲ୍‌ ଚୁକ୍ତିକୁ ନେଇ ସୁପ୍ରିମ କୋର୍ଟରେ ଦାୟର ହୋଇଥିବା ମାମଲାରେ ରାୟ ଆସିବା ପରେ ଏବେ ଭାରତୀୟ ଜନତା ପାର୍ଟି ବିରୋଧଙ୍କ ଉପରେ ପ୍ରଶ୍ନ ବାଣରେ ଆକ୍ରମଣ କରିବା ଆରମ୍ଭ କରିଛି ।  ଭାଜାପା ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହ ଶୁକ୍ରବାର ଅପରାହ୍ନରେ ଏ ବିଷୟକୁ ନେଇ ଏକ ସାମ୍ବିଦିକ ସମ୍ମିଳନୀ ଡକାଇ ଥିଲେ । ରାହୁଲ ଗାନ୍ଧୀ ଏହି ପ୍ରସଙ୍ଗରେ ଦେଶକୁ ଭୁଲ ତଥ୍ୟ ଦେଇଥିବା କଥା ଶାହ ଅଭିଯୋଗ କରିଛନ୍ତି । ଦେଶବାସୀଙ୍କୁ ରାହୁଲ କ୍ଷମା ମାଗିବା ଉଚିତ୍‌ ବୋଲି ସେ କହିଛନ୍ତି । ସୁପ୍ରିମକୋର୍ଟଙ୍କ ରାୟରେ ସତ୍ୟର ବିଜୟ ହୋଇଛି ବୋଲି ସେ ପ୍ରକାଶ କରିଛନ୍ତି । ରାହୁଲ ଗାନ୍ଧୀ ନିଜ ଦଳକୁ ଫାଇଦା ଦେବା ପାଇଁ ମିଛର ରାଜନୀତି ଆରମ୍ଭ କରିଛନ୍ତି ବୋଲି ଅମିତ ଶାହା ପ୍ରକାଶ କରିଛନ୍ତି । ଏହି ମାମଲାରେ ଯେଉଁ ସବୁ ପ୍ରସଙ୍ଗରେ ମାମଲା ରୁଜୁ ହୋଇଥିଲା  ସୁପ୍ରିମକୋର୍ଟ ଏଥିରେ ସରକାରଙ୍କୁ କ୍ଲିନ୍‌ଚିଟ୍‌ ଦେଇଥିବା କଥା ଶାହ ସୂଚନା ଦେଇଛନ୍ତି ।

ଅମିତ ଶାହ କହିଛନ୍ତି ବାୟୁସେନା ୨୦୦୧ରେ ଯୁଦ୍ଧ ବିମାନ ଆବଶ୍ୟକତା ଥିବା କଥା ପ୍ରକାଶ କରିଥିଲା । ୨୦୦୪ରେ ବିମାନ କିଣିବାର ପ୍ରକ୍ରିୟା ଆରମ୍ଭ ହୋଇଥିଲା । ମାତ୍ର୨୦୦୭ରୁ ୨୦୧୪ ପର୍ୟ୍ୟନ୍ତ କଂଗ୍ରେସ ସରକାର ଶାସନରେ ରହି ମଧ୍ୟ କୌଣସି ନିଷ୍ପତି ନେଇ ପାରିଲା ନାହିଁ । କଂଗ୍ରେସ କ’ଣ କମିଶନ ପାଇଁ କୌଣସି ନିଷ୍ପତି ନେଇ ପାରିଲା ନାହିଁ ବୋଲି ଅମିତ ଶାହ ସାମ୍ବାଦିକ ସମ୍ମିଳନୀରେ ପ୍ରଶ୍ନ କରିଛନ୍ତି ।

ନିର୍ବାଚନ ରାଲି ରେ ରାହୁଲ ଗାନ୍ଧୀ  ରାଜିନାମାକୁ ନେଇ ପ୍ରଶ୍ନ କରୁଥିଲେ କଂଗ୍ରେସ ସରକାର ସମୟରେ ୧୦ ବର୍ଷ ମଧ୍ୟରେ ୧୨ ଲକ୍ଷ କୋଟି ଟଙ୍କାର ଦୁର୍ନୀତି ହୋଇଛି ବୋଲି ଅମିତ ଶାହ ଅଭିଯୋଗ କରିଛନ୍ତି । ସବୁ ଚୋର ଏକାଠି ହୋଇ ଜଗୁଆଳୀକୁ ଚୋର ବୋଲି କହିଲେ ସାଧାରଣ ଜନତା ଏହାକୁ ମାନିବେ ନାହିଁ ବୋଲି ସେ ସୂଚନା ଦେଇଛନ୍ତି ।

Comments
Loading...