ବାଜପେୟୀଙ୍କ ଶ୍ରଦ୍ଧାଞ୍ଜଳି ପାଇଁ ଯିବାବେଳେ ଅଗ୍ନିବେଶଙ୍କୁ ମାଡ଼

0

ନୂଆଦିଲ୍ଲୀ : ସ୍ଥାନୀୟ ଦିନଦୟାଲ ଉପାଧ୍ୟୟ ମାର୍ଗଠାରେ ଶୁକ୍ରବାର ସ୍ୱାମୀ ଅଗ୍ନିବେଶଙ୍କ ଉପରେ ପୁନଃ ଆକ୍ରମଣ ହୋଇଛି। ଦିବଙ୍ଗତ ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରି ବାଜପେୟୀଙ୍କୁ ଶେଷ ଶ୍ରଦ୍ଧାଞ୍ଜଳୀ ଦେବାକୁ ନୂଆଦିଲ୍ଲୀସ୍ଥିତ ବିଜେପି ମୁଖ୍ୟାଳୟକୁ ଯିବା ବେଳେ କିଛି ଦୁର୍ବୃତ୍ତ ତାଙ୍କୁ ଠେଲାପେଲା କରିବା ସହିତ ମାଡ଼ ମାରିଛନ୍ତି। ଏପରିକି ଅଗ୍ନିବେଶ ଚାଲିଚାଲି ଯାଉଥିବା ବେଳେ ଜଣେ ମହିଳା ତାଙ୍କ ନିକଟକୁ ଆସି ଚପଲରେ ମାଡ଼ ମାରୁଥିବାର ଏକ ଭିଡ଼ିଓରେ ଦେଖିବାକୁ ମିଳିଛି। କିଛି ଲୋକ ‘ଭାରତ ମାତା କି ଜୟ’ ଏବଂ ‘ଦେଶଦ୍ରୋହୀ ଫେରିଯାଅ’ ବୋଲି ସ୍ଲୋଗାନ ଦେଉଥିବା ଶୁଣିବାକୁ ମିଳିଥିଲା। ଏକମାସ ପୂର୍ବେ ଝଡ଼ଖଣ୍ଡର ପାକୁରଠାରେ ଅଗ୍ନିବେଶ୍‍ଙ୍କୁ କିଛି ଲୋକ ମାଡ଼ ମାରିଥିଲେ। ତେବେ ତାଙ୍କ ଉପରେ ଲୋକଙ୍କର କ୍ରୋଧର କାରଣ ସେ ଜାଣନ୍ତି ନାହିଁ ବୋଲି ଅଗ୍ନିବେଶ କହିଛନ୍ତି। ଏହାର ତଦନ୍ତ ପାଇଁ ସେ ପୁଲିସକୁ ନିବେଦନ କରିଛନ୍ତି।

Comments
Loading...