ଟ୍ୟାଙ୍କର ଧକ୍କାରେ ଅଜଣା ବ୍ୟକ୍ତି ମୃତ

0

ଯାଜପୁର: ଏକ ଟ୍ୟାଙ୍କର ଧକ୍କାରେ ଜଣେ ଅଜଣା ବ୍ୟକ୍ତିଙ୍କର ମୃତ୍ୟୁ ହୋଇଛି। ଏପରି ଘଟଣା ମଙ୍ଗଳବାର ସକାଳେ ଯାଜପୁରଜିଲା ଧର୍ମଶାଳା ଥାନା ଅନ୍ତର୍ଗତ ଜାରକା ବସଷ୍ଟାଣ୍ଡ ନିକଟରେ ଘଟିଛି। ଟ୍ୟାଙ୍କରଟି ବ୍ୟକ୍ତିଙ୍କ ମୁଣ୍ଡ ଉପରେ ଚଢି ଯାଇଥିବାରୁ ତାଙ୍କୁ ଚିହ୍ନଟ କରିବା ସମ୍ଭବପର ହୋଇ ପାରି ନାହିଁ। ଖବର ପାଇ ଧର୍ମଶାଳା ଥାନା ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ବ୍ୟବଚ୍ଛେଦ ନିମନ୍ତେ ପଠାଇବା ସହ ତଦନ୍ତ ଆରମ୍ଭ କରିଛି।

ସୂଚନାଯୋଗ୍ୟ ଯେ, ସକାଳେ ଜାରକା ବସଷ୍ଟାଣ୍ଡରେ ଜଣେ ବୟସ୍କ ବ୍ୟକ୍ତି ବସରୁ ଓହ୍ଲାଇଥିଲେ। ବସରୁ ଓହ୍ଲାଇ ସେ ରାସ୍ତା ପାର ହେଉଥିବା ସମୟରେ ଦ୍ରୁତ ଗତିରେ ଆସୁଥିବା ଏକ ଟ୍ୟାଙ୍କର ତାଙ୍କୁ ଧକ୍କା ଦେଇଥିଲା। ଘଟଣାସ୍ଥଳରେ ହିଁ ବ୍ୟକ୍ତିଙ୍କର ମୃତ୍ୟୁ ହୋଇଯାଇଥିଲା। ଦୁର୍ଘଟଣା ଘଟାଇ ଟ୍ୟାଙ୍କର ଡ୍ରାଇଭର ଗାଡି ନେଇ ଫେରାର ହୋଇ ଯାଇଛି।

Comments
Loading...