ଫମ୍ପା ମାଠିଆର ଶବ୍ଦ ବେଶୀ:ମୁଖ୍ୟମନ୍ତ୍ରୀ

0

ଭୁବନେଶ୍ୱର: ପମ୍ଫା ମାଠିଆର ଶବ୍ଦ ବେଶୀ। ମଙ୍ଗଳବାର ଏଭଳି ଶାଣିତ ଢଙ୍ଗରେ କେନ୍ଦ୍ରର ବିଜେପି ସରକାରଙ୍କୁ ସମାଲୋଚନା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ।
ଭୁବନେଶ୍ୱର ଝରଣା ବସ୍ତିରୁ ଆରମ୍ଭ ହୋଇଛି ବିଜେଡିର ପଦଯାତ୍ରା କାର୍ଯ୍ୟକ୍ରମ। କାର୍ଯ୍ୟକ୍ରମକୁ ଉଦ୍‍ଘାଟନ କରିବା ଅବସରରେ ଦଳର ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କେନ୍ଦ୍ର ସରକାରଙ୍କୁ ଟାର୍ଗେଟ୍‍ କରିଛନ୍ତି।
ପ୍ରତ୍ୟକ୍ଷ ଭାବେ କାହାର ନାମ ନ ନେଇ ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ କହିଲେ ଯେ କେନ୍ଦ୍ର ସରକାରଙ୍କ ଖାଦ୍ୟ ସୁରକ୍ଷା ଯୋଜନାରୁ ଓଡ଼ିଶାର ଅନେକ ଗରିବ ଲୋକ ବାଦ୍‍ ପଡ଼ିଥିଲେ। ତେଣୁ ସବୁ ଗରିବ ଲୋକଙ୍କୁ ଖାଦ୍ୟ ସୁରକ୍ଷା ଯୋଗାଇ ଦେବାକୁ ଓଡ଼ିଶା ସରକାର ନିଜସ୍ୱ ଖାଦ୍ୟ ସୁରକ୍ଷା ଯୋଜନା ଆରମ୍ଭ କରିଛନ୍ତି। ଏହି ଅବସରରେ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାକୁ ଏକ ଐତିହାସିକ ପଦକ୍ଷେପ ବୋଲି ବର୍ଣ୍ଣନା କରିଥିଲେ ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ।
ବିଜେପିର ପ୍ରତିଶ୍ରୁତିକୁ ଫମ୍ଫା ମାଠିଆ ସହିତ ତୁଳନା କରି ନବୀନ ପଟ୍ଟନାୟକ କହିଲେ ଯେ କେନ୍ଦ୍ରରେ ଶାସନ କ୍ଷମତାକୁ ଆସିବା ପୂର୍ବରୁ ଓଡ଼ିଶାକୁ ସ୍ୱତନ୍ତ୍ର ରାଜ୍ୟ ପାହ୍ୟା ମାନ୍ୟତା ଦେବାକୁ ବିଜେପି ପ୍ରତିଶ୍ରୁତି ଦେଇଥିଲା। ବିଜେପିର ସେହି ପ୍ରତିଶ୍ରୁତି କେବେ ପୂରଣ ହେବ ତାହାକୁ ଆଜି ବି ଓଡ଼ିଶାବାସୀ ଚାହିଁ ରହିଛନ୍ତି। କିନ୍ତୁ ଆମେ ଯାହା ପ୍ରତିଶ୍ରୁତି ଦେଇଥିଲୁ ତାହା ପାଳନ କରିଛୁ। ଆମେ ଓଡ଼ିଶାବାସୀଙ୍କ ସହିତ ଅଛୁ। ପ୍ରତିଶ୍ରୁତି କିଏ ପାଳୁଛି କିଏ ନାହିଁ ତାହା ଲୋକେ ଜାଣିଛନ୍ତି। ଆମେ କଥାରେ ନୁହେଁ କାମରେ ବିଶ୍ୱାସ କରୁ।

Comments
Loading...