ରାଉରକେଲା: ସୁନ୍ଦରଗଡ଼ ଜିଲ୍ଲା ରାଉରକେଲାରେ ଜିଓ ଟାୱାର ବସାଇବା ବାହାନାରେ ଠକେଇ ହୋଇଥିବା ଅଭିଯୋଗ ହୋଇଛି। ଅଭିଯୋଗକୁ ଭିତ୍ତି କରି ପୁଲିସ ୫ଜଣଙ୍କୁ ଗିରଫ କରିଛି। ସେମାନଙ୍କ ନିକଟରୁ ନଗଦ ୫୭ ହଜାର ଟଙ୍କା ସମେତ ୭ଟି ଲାପଟପ୍, ୧୬ଟି ହାର୍ଡ ଡିସ୍କ, ଲ୍ୟାଣ୍ଡ ଫୋନ୍, ରାଉଟର, ୧୬ଟି ମୋବାଇଲ, ୯୪ଟି ସିମ୍କାର୍ଟ ଏବଂ ୮୦ଟି ଚେକ୍ ବୁକ୍ ଜବତ ହୋଇଛି। ଗିରଫ ଅଭିଯୁକ୍ତମାନେ ହେଲେ ବୁଦ୍ଧ ସରକାର, ଜୟନ୍ତ ବାନାର୍ଜୀ, ପ୍ରିୟାଂଶୁ ଦାସ, ରୋହିତ ସରକାର ଏବଂ ଶୁଭଜିତ ରାହା। ଏମାନେ ସମସ୍ତେ ପଶ୍ଚିମବଙ୍ଗର କୋଲକାତାର ବାସିନ୍ଦା ବୋଲି ଜଣାପଡିଛି। 
ସୂଚନାଯୋଗ୍ୟ, ରାଉରକେଲାର ବାସନ୍ତୀ କଲୋନିରେ ପୂର୍ଣ୍ଣେନ୍ଦୁ ଶେଖର ପଣ୍ଡାଙ୍କୁ ଏହି ଦୁର୍ବୃତ୍ତମାନେ ଫୋନ୍ କରି ତାଙ୍କ ଛାତ ଉପରେ ଜିଓ ଟାୱାର ବସାଇବାକୁ କହିଥିଲେ। ଏଥିପାଇଁ ତାଙ୍କଠାରୁ ଦୁର୍ବୃତ୍ତ ମାନେ ୯ ଲକ୍ଷ ଟଙ୍କା ଠକି ନେଇଥିଲେ। ଏନେଇ ପୂର୍ଣ୍ଣେନ୍ଦୁ ଶେଖର ପଣ୍ଡା ଚଳିତ ବର୍ଷ ମାର୍ଚ୍ଚ ମାସରେ ଥାନାରେ ଅଭିଯୋଗ କରିଥିଲେ। ପୁଲିସ ତଦନ୍ତ ଆରମ୍ଭ କରି ୫ମାସ ପରେ ଅଭିଯୁକ୍ତମାନଙ୍କୁ ଗିରଫ କରିଛି।
Comments are closed.